Ánshi Medeý Arynbaev eks-prezıdent Nursultan Nazarbaevtyń qyzy Darıǵa Nazarbaevanyń qurmetine jazylǵan ánniń tarıhyn aıtty, dep habarlaıdy Dalanews.kz.

Aıta keteıik, Medeý Arynbaevtyń "Darıǵa júrek" atty áni 2005 jyly shyqqan bolatyn. 

"20 jyl ótip ketti ǵoı. Maǵan "Habar" arnasynan Serik Abas-shah myrza telefon soqty. Sol kezde mýzykalyq oıyn-saýyq baǵdarlamasynyń rejıseri bolsa kerek. Sol kezeńde maǵan "Habarǵa" kirip ketshi" dedi. Ol kezde "Habar" - basty arna. Túsirilimge shaqyrǵan bolar dep oıladym", - deıdi Arynbaev Airan-ǵa bergen suhbatynda. 

Telearnaǵa kelgen boıda Arynbaevqa kasseta ustatqan. 

"Maǵan "osy ándi tyńdashy, osyny aıtýyń kerek" dedi. "Habar" aıtsa kóremiz. Ol maǵan bul án kimge arnalǵanyn, bul ánniń maqsatyn aıtqan joq. "Habar" ujymynyń, Serik Abas-shah bastaǵan ujymnyń Darıǵa Nursultanqyzyna degen... Bul tek janamaly, astarly syı sıaqty kórindi. Men tek oryndap berdim, boldy", - deıdi ánshi.