Seminar «Salaýatty bosaný» áleýmettik-saýyqtyrý jobasynyń aiasynda júzege asyryldy. Joba júkti áielderge arnalǵan jáne náresteniń deni saý, aman-esen dúniege kelýin aldyna maqsat etip qoiǵan.
– Seminardyń ataýy «Meditsinadaǵy tiimdilik anatomiiasy». Onyń meditsina qyzmetkerleri mańyzy zor. Bizdiń medbikelerimiz inektsiia salý, tańý jáne dári berýdi jaqsy atqara alady. Qazaqstandyq oqý oryndarynda olar jaqsy kásibi daiyndyqtan ótedi. Alaida adami qarym-qatynas jasaýdy ol jerde oqytpaidy. Negizinde dál osy dúnie medbikeler men akýsherlerge óte qajet, óitkeni orta deńgeidegi meditsinalyq ujym júkti áieldermen jáne olardyń otbasylarymen tikelei jumys jasaidy. Mundai qarym-qatynastarǵa nemquraily qaraýǵa bolmaidy, sebebi ár júkti áiel óziniń akýsherine, medbikege senim artýy qajet, – deidi joba basshysy Elena Nikitina.
Seminarda talqylanǵan máseleler árbir meditsina mamanyna tanys. Júkti áielder kóp, al medbike jalǵyz ekeni de ras. Jumysty úndemei atqarýǵa bolady, biraq sol jumysty kúlimsirep, meiirimmen de atqarýǵa bolady. Bir qaraǵanda bul túkke turmaityn dúnie kóringenimen, is júzinde meditsina qyzmetkeriniń osyndai kózqarasy, qarapaiym adamgershiligi men meiirimi júkti áielmen bailanys qurýǵa kómektesedi. Adammen aralasta árdaiym kúlimsirep sóileý úlken mádeniettiń belgisi. Bul kóp kúshti talap etpeidi...
Shara barysynda seminarǵa qatysýshylar aldaryna naqty maqsat qoiyp, jospar jasady. Seminar ustazdary Elena Nikitina men Igor Tsoi róldik oiyndar, rolikter kórý, synaq júrgizý siiaqty tásilderdi qoldandy. Tájiribeleri mol dárigerler meditsina qyzmetkerleri kúndelikti sheshetin máseleler men suraqtardy jaqsy biledi. Sondyqtan qatysýshylar úshin estip-bilgenderin kóńilderine toqý, alǵan bilimderin óz jumystarynda jáne óz ómirlerinde qoldana alýy mańyzdy boldy.
– Meditsina qyzmetkeri baqytty da tabysty bolyp, árqashan kóńildi jáne senimdi bolyp júrgeni óte mańyzdy. Sonda ǵana ol patsientimen, ásirese júkti áielmen óziniń kózqarasymen bólise alady. Al náresteniń densaýlyǵy júkti áieldiń kóńil-kúii men densaýlyǵyna bailanysty, – deidi Elena Nikitina.
– Seminar óte paidaly boldy. Jańa dúnielermen tanystym, áriptesterime osyndai seminarǵa jii qatysýdy usynar edim, – deidi qalalyq №12 ýchaskelik medbikesi Zakirova Dinara.
– Barlyq áriptesterimen osyndai seminarlarǵa qatysyp, jańa nárselerdi úirenip, engizýdi usynamyn. «AIST» ortalyǵyna jáne Medkolledjge tabys tileimin, medbikelerge kóńil bólgenderińiz úshin raqmet! – dedi óz kezeginde qalalyq №16 ýchaskelik medbikesi Maral Aqataeva.
Seminardyń qorytyndysynda 70 qatysýshyǵa sertifikat tapsyryldy.
Sharanyń uiymdastyrýshylary – «Aist» jeke qory, Almaty q. Medbikeler isi mamandarynyń assotsiatsiiasy, Almaty meditsina kolledji mundai seminarlardy ai saiyn ótkizýdi josparlap otyr. Atap aitsaq, kelesi seminar 26-28 sáýirde Almaty meditsina kolledjiniń májilis-zalynda (L.Chaikina k-si 12A) ótedi.
Sonymen qatar dárigerler «Shevron» kompaniiasyna úlken alǵysyn aitty. «Osy kompaniianyń qoldaýynyń arqasynda seminarlar tegin ótkiziledi jáne Almaty qalasynyń barlyq medbikeleri men akýsherlerine qol jetimdi bolyp tabylady» dedi meditsina mamandary.
Dýman Tanabasov
