M.Beketaev "22 mıllıard dollardy eshkim de almaıdy"

Dalanews 26 jelt. 2017 15:02 595

 Ádilet mınıstri Marat Beketaev Qazaqstan Ulttyq qoryndaǵy buǵattalǵan 22 mıllıard dollardyń QR ıeliginde qala beretinin málimdedi, dep habarlaıdy Tengrinews.kz tilshisi.

– Londondaǵy proseske kelsek, bul qarajat Qazaqstan ıeliginde qala beredi. Qarajat táýelsiz ımýnıtetpen qorǵalǵan. Buǵattaldy degen másele aldaǵy ýaqytta bul aktıvti bireýlerdiń qolyna ótkizý múmkin emestiginde. Ulttyq qordy basqaratyn Ulttyq bank salmaqty saıasatty ustanady, turaqty aktıvter quıyldy, bul qarajat ıeligimizde qalyp, tabys túsiredi. Qater shaǵymnyń shekteýli somasyna qatysty - bul shamamen 500 mıllıon dollar. 22 mıllıardty eshkim eshqashan ala almaıdy, – dep málimdedi mınıstr úkimet otyrysynyń úzilisinde.

Beketaevtyń aıtýynsha, Qazaqstan barlyq qujat pen dáleldi bıylǵy maýsymda aǵylshyn sotynda usynǵan, aǵylshyn soty alaıaqtyq derekteriniń baryn rastaǵan.

– Bul is Londondaǵy sotta qaralady. Alaıaqtyq boıynsha sot tyńdaýy 2018 jyldyń qazanyna belgilengen. Biz tipti shaǵym somasyn bergimiz kelmeıdi, sebebi arbıtrajdyq sheshim alaıaqtyq jolmen jasalǵan, – deıdi Beketaev.

Ulttyq bank tóraǵasy Danıar Aqyshev óz kezeginde qarjy retteýshisiniń ulttyq qordy basqara otyryp qarajatty syrtqy basqarýshylar arasynda úlestiriletinin túsindirdi. Alaıda basqarý qurylymy mynadaı – bul qarajat birneshe kastodıanda – barlyq qarjy quralyn esepke alyp, saqtaý boıynsha mamandandyrylǵan fýnksıasyn júzege asyratyn bankterde bolady, bul qarjy quraldaryna Ulttyq qor ınvestısıa quıyp, sol qarajat boıynsha esep júrgizedi. Bul degeniińiz mundaı kastodıandardyń birneshe ekenin bildiredi, Qazaqstan ulttyq qory boıynsha birneshesi bar.

– Belgıada ornalasqan kastodıan "Nú-Iork Melon" banki, onda qazirgi ýaqytta shaǵym aıasynda buǵattalǵan 22 mıllıard dollar bar. Úkimet te, zań keńesshilerimiz de buǵan deıin de talaı márte jarıa etken shaǵym somasy qazirgi ýaqytta buǵattalǵan qarajat deńgeıimen salystyrýǵa kelmeıtini anyq, – dep esepteıdi Aqyshev.

Ulttyq bank basshysy Qazaqstannyń bul sheshimniń zańdylyǵyna narazylyq bildirdi. "Bul sheshimge shaǵym túsirý múmkindigi bar. Qazir biz jumys istep jatyrmyz, sebebi kastodıan-bank shaǵym somasy sáıkes kelmeıtinin bile tura aktıvterdi buǵattap, bizdiń oıymyzsha, zańsyz áreketke kóshti. Ekinshiden, bul másele olardyń quzyrynda emes dep esepteımiz", – dedi Danıar Aqyshev.

Ol Qazaqstannyń osy máseleni sheshý úshin belsendi jumys istep jatqanyn aıtty. Aıtýynsha, Ádilet mınıstrligi bul jaǵdaıda úkimettiń múddesin qorǵaıtyn negizgi organ bolyp otyr.

– Ulttyq bank barlyq qajetti qoldaýdy bildirip otyr, onyń ishinde zań keńesshilerin jaldap otyr. Munda másele qaterli deńgeıde nemese aktıvterdi joǵaltý týraly sóz bolyp otyr dep oılamaımyn. Iá, shyn máninde quqyqtyq daý bar. Qorytyndysynda bul daý óz sheshimin tabady dep esepteımin. Biz jetkilikti ári aıtarlyqtaı mamandanǵanbyz jáne bizdiń keńesshiler tıisti deńgeıde jumys istep, ulttyq qor qarajatyn qazirgideı jaǵdaıda tolyqtaı ıgere alamyz dep oılaımyn, – dedi Aqyshev.

Eske salaıyq, taıaýda Bank of New York Mellon Qazaqstan Ulttyq qorynyń 22 mıllıard dollaryn buǵattaǵan bolatyn.  "Ulttyq bank ta Qazaqstan Respýblıkasy da qazirgi ýaqytta sottyń bul sheshimine shaǵym bildirý múmkindigin qarastyrýda. Sonymen birge, bul sheshim Ulttyq banktiń jáne Qazaqstan Respýblıkasynyń basqa sheteldik ıýrısdıksıalardaǵy pozısıasyna da, Statı oryndaýǵa talpynys jasap otyrǵan tórelik sheshim alaıaqtyq jolymen alyndy degen Qazaqstan Respýblıkasynyń dáleline de esh áser etpeıdi", – delingen Ádilet mınıstrliginiń saıtynda jarıalanǵan habarlamada.

 

Usynylǵan
Sońǵy jańalyqtar