“Maiqaiyń-altyn” kenishinde opyrylǵan shahta astynda qalǵan qutqarýshylardyń biriniń áieli bilikke júginip, basqa elderden tehnikalyq kómek suraýdy talap etti, dep habarlaidy Dalanews.kz.
Habar-osharsyz ketken qutqarýshy Aidos Shaimerdenniń áieli Nursulý Shaimerden memleket basshysyna ashyq video úndeý joldady.
“18 kúnnen beri Aidostan habar joq. Ekeýmizdiń bes kishkentai balamyz bar. Olar kúnde ákesin kútedi. Biraq oblystyq Tótenshe jaǵdailar departamentiniń basshysy Jasulan Jumashev pen Pavlodar oblysynyń ákimi Asaiyn Baihanovtyń jetekshiligimen júrgizilgen izdestirý jumystary esh nátije bermedi. Nege basqa elderden tehnikalyq kómek suramasqa? Maǵan dál qazir tergeý sharalary qajet emes. Maǵan azamatym, úidiń otaǵasy, balalarymnyń ákesi kerek”, – deidi áiel.
https://www.instagram.com/reel/C2XGNfkIB0s/?igsh=bGV2OXczdTJ0dDls
Esterińizge sala keteiik, 4 qańtarda Pavlodar oblysynda “Maiqaiyń-altyn” kenishinde AQ aýmaǵynda tórt jolaýshy mingen avtobýs shuńqyr túbine túsip ketken bolatyn. Qutqarýshylar buǵan deiin eki adamnyń denesin tapty. Alaida basqa jumysshylar týraly áli aqparat joq.
