“مايقايىڭ-التىن” كەنىشىندە وپىرىلعان شاحتا استىندا قالعان قۇتقارۋشىلاردىڭ ءبىرىنىڭ ايەلى بيلىككە جۇگىنىپ، باسقا ەلدەردەن تەحنيكالىق كومەك سۇراۋدى تالاپ ەتتى، دەپ حابارلايدى Dalanews.kz.
حابار-وشارسىز كەتكەن قۇتقارۋشى ايدوس شايمەردەننىڭ ايەلى نۇرسۇلۋ شايمەردەن مەملەكەت باسشىسىنا اشىق ۆيدەو ۇندەۋ جولدادى.
“18 كۇننەن بەرى ايدوستان حابار جوق. ەكەۋمىزدىڭ بەس كىشكەنتاي بالامىز بار. ولار كۇندە اكەسىن كۇتەدى. ءبىراق وبلىستىق توتەنشە جاعدايلار دەپارتامەنتىنىڭ باسشىسى جاسۇلان جۇماشيەۆ پەن پاۆلودار وبلىسىنىڭ اكىمى اسايىن بايحانوۆتىڭ جەتەكشىلىگىمەن جۇرگىزىلگەن ىزدەستىرۋ جۇمىستارى ەش ناتيجە بەرمەدى. نەگە باسقا ەلدەردەن تەحنيكالىق كومەك سۇراماسقا؟ ماعان ءدال ءقازىر تەرگەۋ شارالارى قاجەت ەمەس. ماعان ازاماتىم، ءۇيدىڭ وتاعاسى، بالالارىمنىڭ اكەسى كەرەك”، – دەيدى ايەل.
https://www.instagram.com/reel/C2XGNfkIB0s/؟igsh=bGV2OXczdTJ0dDls
ەستەرىڭىزگە سالا كەتەيىك، 4 قاڭتاردا پاۆلودار وبلىسىندا “مايقايىڭ-التىن” كەنىشىندە اق اۋماعىندا ءتورت جولاۋشى مىنگەن اۆتوبۋس شۇڭقىر تۇبىنە ءتۇسىپ كەتكەن بولاتىن. قۇتقارۋشىلار بۇعان دەيىن ەكى ادامنىڭ دەنەسىن تاپتى. الايدا باسقا جۇمىسشىلار تۋرالى ءالى اقپارات جوق.
