Tótenshe jaǵdailar ministrligi Pavlodar oblysynda «Maiqaiyńaltyn» AQ aýmaǵyndaǵy opyrylý ornynda topyraq pen taý jynystaryn qaita ekskavatsiialaý jumysy jalǵasyp jatqanyn málimdedi, dep habarlaidy Dalanews.kz.
Vedomstvonyń deregine qaraǵanda, qazir aýmaqtaǵy opyrylý ornynyń barlyq perimetri boiynsha jaryqtar paida bolǵan. Bul jumys istep jatqan qutqarýshylardyń ómirine óte qaýipti.
Magnitometrmen jáne geoskanermen topyraqty zertteý kezinde «GRP-Ridder-Group» JShS mamandary obektiniń ornalasqan jerinde qulaý yqtimaldyǵy joǵary degen qorytyndy berdi.
«Maiqaiyńaltyn» AQ aýmaǵynda avariialyq-qutqarý jumystaryn tutastai nemese olardyń bir bóligin toqtata turý týraly sheshim qabyldaýǵa quqyǵy bar kenishtiń basshylyǵy basqarady. Ol birinshi kezektegi tártippen tótenshe jaǵdai aimaǵyndaǵy adamdardy qutqarý boiynsha barlyq múmkin sharalardy qabyldaidy.
