"Maiqaiyńaltynda" qaza tapqan qutqarýshy Oleg Tishkevichtiń týystaryna ótemaqy tórt esege qysqardy, - dep habarlaidy Dalanews.kz.
Talap qoiýshylar eńbek mindetterin oryndaý kezinde jazataiym oqiǵa saldarynan qaitys bolǵan Tishkevichtiń jaqyn týystary, Ekibastuz qalalyq sotyna kináli bolyp tabylǵan «Kásibi áskerilendirilgen avariialyq-qutqarý qyzmetteriniń respýblikalyq ortalyq shtaby» JShS-nen árqaisysyna moraldyq ziiannyń ótemaqysy retinde 30 000 000 teńgeden jalpy 120 000 000 teńge somany óndirýdi suraǵan.
Ekibastuz qalalyq sotynyń 2024 jylǵy 5 qyrkúiektegi sheshimimen talap qoiý tolyǵymen qanaǵattandyryldy.
Pavlodar oblystyq sotynyń azamattyq ister jónindegi sot alqasynyń 2024 jylǵy 13 qarashadaǵy qaýlysymen birinshi satydaǵy sottyń sheshimi ózgertilip, árqaisysynyń paidasyna moraldyq shyǵyn kólemi 7 500 000 teńgege deiin azaityldy.
Bul rette sot alqasy kelesini eskerdi: moraldyq ziiannyń ótemaqy mólsherin anyqtaý kezinde birinshi satydaǵy sot eńbek qyzmetimen bailanysty Óndiristegi jazataiym oqiǵa týraly aktini, jumys berýshiniń kinásin 100% anyqtaǵan jazataiym oqiǵanyń mán-jaiyn arnaiy tergep-tekserý aktisin basshylyqqa aldy.
Bul rette sot arnaiy tergep-tekserý aktisine sáikes jazataiym oqiǵanyń, eńbek qyzmetimen bailanysty Óndiristegi jazataiym oqiǵa týraly aktiniń sebepterin:
- «Maikainzoloto» AQ jaýapty tulǵalarynyń tarapynan jumystyń qaýipsiz júrgizilýine óndiristik baqylaýdyń jetkiliksizdiginen kórinetin jumystyń qanaǵattanarlyqsyz uiymdastyrylýy;
- bloktardy óndirý kezinde qazbalardan qulaý protsesin jetkiliksiz baqylaý;
- II ken massasyn jáne taýdan joǵary jáne tómen +90 m (160) ken ornyn igerý kezinde taý-ken qondyrǵylaryn damytý jobalarynyń bolmaýyn (ázirlenbegen) eskermedi.
Iaǵni, jazataiym oqiǵa «Maikainzoloto» AQ óndiristik qyzmetimen bailanysty.
Bul mán-jailardy sot moraldyq ziiannyń ótemaqysy mólsherin anyqtaǵan kezde eskerýi tiis.
Aqylǵa qonymdylyq, ádildik jáne jetkiliktilik kriteriilerin basshylyqqa ala otyryp, alqa bul jaǵdaida jaýapkerden talap qoiýshylardyń paidasyna týysynyń qaitys bolýyna bailanysty keltirilgen moraldyq ziian ótemaqysyn árqaisysyna 7 500 000 teńgeden óndirý qajet degen qorytyndyǵa keldi.
Qaýly zańdy kúshine endi.
