Pavlodardaǵy “Maiqaiyń-altyn” kenishi aýmaǵyndaǵy shuńqyrǵa qulap, qaza tapqan qutqarýshy Aidos Shaimerdenniń otbasyna materialdyq kómekpen birge, tórt bólmeli páter syiǵa berildi, dep habarlaidy Dalanews.kz.
Bul týraly oblys ákimi Asaiyn Baihanov Instagram-daǵy paraqshasynda málimededi.
"Otandastyrymyzdyń janashyrlyq sezimin jaqsy túsinemin. "Otbasy nelikten nazardan tys qaldy" degen pikirge jol bermeý úshin, qutqarýshynyń otbasyna kómek kórsetilip jatqanyn aitqym keledi", – dedi aimaq basshysy.
2024 jyldyń sáýir aiynda "Maiqaiyń-altyn" AQ Aidostyń áieli Nursulý Shaimerdenge 28 million teńge qarjylai kómek berdi. Jyl basynda qaitys bolǵan qutqarýshynyń otbasy men onyń ata-anasy alǵan, 8 million teńgeden astam nesie óteldi.
"2024 jyldyń 1 maýsymynda oblys ákimdigi Aidostyń artynda kámeletke tolmaǵan 5 balasy qalǵandyqtan, Nursulý Shaimerdenge Pavlodar qalasynan tórt bólmeli páter berdi. Aidos qaitys boldy dep resmi túrde jariialanǵanǵa deiin otbasy músheleri ortasha ailyq jalaqysyn alyp otyrdy. Onyń máiiti tabylǵan soń jumys berýshi endi saqtandyrý tólemderin – 10 jyldaǵy ortasha ailyq jalaqysyn tólep otyrady", – dedi ákim.
Oblys ákimi Sháimerdenovter otbasy aldaǵy ýaqytta da memleket nazarynan tys qalmaitynyn aitty.
"Blogerler men belsendiler jariialaǵan jekelegen kómekterge esh qarsylyǵym joq, tek teris jaqqa paidalaný nysanyna ainalmasa boldy", - dedi ol.
Eske salaiyq, buǵan deiin "Maiqaiyń altyn" ken ornynda úlken oiyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn.
Osy tusta "Maiqaiyń" altyn kenishindegi apatta is-túzsiz joǵalǵan eki qutqarýshynyń týystary kómek surap, Astanaǵa barǵan edi.
Olar memlekettik organdardan qutqarý jumysyn jalǵastyrýdy talap etken bolatyn.
“Izdestirý jumystarynyń toqtatylǵanyna 39 kún, qaiǵyly oqiǵadan beri 89 kún ótti. Balalar: "Ákem qaida?" dep suraidy. Ákesi joq. Kúni-túni kóz jasym qurǵamaidy. Kúieýimniń ákesi insýlt aldy, al enemniń qan qysymy bar. Olardyń jalǵyz uly joǵalyp ketti. Ony tipti jerlei almai otyrmyz”, – dedi ashynǵan áiel KTK arnasyna bergen suqbatynda.
