Májilistiń jumys tobynyń otyrysyna qatysýshy jurttyń synyna ushyrady, dep habarlaidy Dalanews.kz.
Videony Májilis depýtaty Bolatbek Áliev jariialady. Bul jaǵdai ótken aptada beisenbide bolǵan.
"Májiliste maikamen. Naǵyz ashyqtyq dál osylai kórinedi. Beisenbi kúni Qurylys kodeksi boiynsha jumys tobynyń otyrysynda bir qyzyq jaitqa kózim tústi. Talqylaýǵa qosylyp otyrǵan mamandardyń biri kádimgi úi jaǵdaiynda, maikamen otyr. Qolynda tamaǵy, janynda sýsyny. Solai otyryp bizdi tyńdap, talqylaýǵa qatysyp otyr. Bir sát oilanyp qaldym. Bul tártipsizdik emes. Bul - qoljetimdiliktiń belgisi. Buryn mundaiǵa eshqashan kýá bolmaǵanmyn. Salada tájiribem bolsa da, zań talqylaýyna dál osylai erkin qatysý múmkin emes edi. Al qazir biz qandai formatta jinalsaq ta, kásibi orta ókilderi dál sol ýaqytta pikirin qosa alady. Kim keńsede, kim jolda, kim úide báribir. Eń bastysy qatysa alady", - dedi ol.
Onyń sózinshe, bul - Májilistiń ashyq, qoljetimdi jáne shyn máninde demokratiialyq jumys júrgizip jatqanynyń naqty dáleli. Dese de jeli qoldanýshylary qatysýshynyń bul áreketin synap jatyr.
