Jiynǵa oblys ákiminiń orynbasarlary, basqarma basshylary jáne selektorlyq rejimde aýdan ákimderi qatysty.
– Qazirgi kezde elde infektsiianyń taralýy kúsheiýde, naýqastardyń sany kúnnen-kúnge artyp keledi. Halqymyzdyń densaýlyǵy men qaýipsizdigin qamtamasyz etý barlyǵymyzdyń ortaq múddemiz. Qaýipti indettiń emi tabyldy. Ony jeńýdiń birden-bir joly – vaktsina.
Vaktsinatsiialaý jumysyn jandandyrmai bizdiń qyzyl aimaqtan shyǵýymyz da ekitalai. Bul jumysqa nemquraily qaraityn bolsaq, karantin talaptary qaitadan kúsheitilýi múmkin, – degen aimaq basshysy Mahambet Dosmuhambetov óńirge kelip jatqan ekpe jetkilikti bolǵanmen, jumysty óz dárejesinde uiymdastyrylmai otyrǵanyn synǵa aldy.
Al, Densaýlyq saqtaý basqarmasynyń basshysy Ashan Baidýáliev qazirgi statistikalyq málimetterge toqtala kelip, 1 mamyrǵa deiin kúnine 5 myń adam ekpe alý qajettigin alǵa tartty.
– Búgingi tańda 38200 doza oblysqa kelse, onyń 37200-i «Spýtnik-V», 1000 dozasy «QazCovid-in» vaktsinasy. Ekpe jumystaryn júrgizý úshin 30 pýnkt ashyldy. 1 aqpan men 27 sáýir aralyǵynda 20228 adamǵa vaktsina salyndy. Bul turǵyda eń joǵary kórsetkish quqyq qorǵaý organdarynyń qyzmetkerlerine tieisil – 96,6 paiyz, – dedi A.Baidýáliev.
Sondai-aq, basqarma basshysy 1 mamyrǵa deiin 15 myń doza vaktsinany igerip, ekpe pýnkteriniń sanyn 40-qa jetkizý, shalǵai aýyl turǵyndary úshin jyljymaly meditsinalyq keshender bazasynda pýnkter ashý josparda turǵanyn jetkizdi.
Jiyn sońynda oblys ákimi Mahambet Dosmuhambetov ár mekeme atalǵan jumysty jaýapkershilikpen uiymdastyrýdy, halyqqa túsindirý jumystaryn jan-jaqty júrgizýdi tapsyrdy.
– Vaktsina salý – halyqtyń saýlyǵy men qaýipsizdigi úshin óte mańyzdy ekenin, bul úlken jaýapkershilik ekenin árqaisyńyz jete sezinińizder. Ekpe salýǵa qatysty jaýapty adamdar, tiisti organdar men aýdan ákimderi densaýlyq saqtaý basqarmasymen birlesip, tiisti jumystardy kúsheitýdi tapsyramyn. Vaktsina alǵysy keletin belsendi azamattarǵa barlyq jaǵdaidy jasańyzdar. Aqparattyq turǵydan da túsindirý jumystary aqsamaýy kerek. Al quqyq qorǵaý, meditsina qyzmetkerleri, pedagogtar men áleýmettik sala mamandary men ózge de halyqpen tyǵyz jumys jasaityn qyzmetkerlerdiń birinshi kezekte ekpe alýyn qamtamasyz etińizder, – dedi óńir basshysy.
Aita ketý kerek, aýdandar arasynda ekpe júrgizý boiynsha ázirshe Qurmanǵazy halqy belsendilik tanytyp otyr.
