Maýsymda "Tór Altai jyrlaidy" festivali ótedi
Feistival aiasynda «Oralhannyń basqa ómiri» (Drýgaia jizn Oralhana Bokeia) atty derekti film kórsetile otyryp, teatrlandyrylǵan qoiylym qoiylady dep kútilýde.
– Jalpy, bul is-sharanyń maqsaty jas talanttardy, jazýshylar men aqyndardy qoldaý, respýblikamyzdaǵy halyqtar dostyǵyn, birlik pen tatýlyqty, saiasi turaqtylyqty nasihattaý, jastardy patriottyq tárbiege baýlý, sheberlikti arttyrý, daryndy jastardy yntalandyrý bolyp tabylady, – dedi Nurbolat Ahmetjanov.
Brifing barysynda ol ShQO Mádeniet basqarmasynyń "Ertis kontsertinde" barlyǵy 8 shyǵarmashylyq ujym men 20 solist jumys isteitinin aitty.
– Aǵymdaǵy jyldyń basynan bastap mekeme ujymy oblystyń birneshe aýdandarynda gastroldik kontserttermen boldy. Endi Samara, Tarbaǵatai, Zaisan, taǵy da basqa aýdandarda kontserttik baǵdarlamalar josparlanýda, – dedi spiker.
Shyǵystaǵy shyǵarmashylyq ujymdar men solister úshin árdaiym elimizdiń belgili dirijerleri men Qazaqstanǵa eńbek sińirgen mádeniet qairatkerleri shaqyrylyp, sheberlik synyptary ótkizilip keledi.
– Osy múmkindikti paidalanyp, oblys ákimine sahnalyq kostiýmder tigýde, mýzykalyq aspaptar satyp alýda jáne materialdy tehnikalyq bazamyzdy nyǵaitýda bizge barlyq jaǵynan qoldaý kórsetkeni úshin alǵys aitqym keledi, – dep tolyqtyrdy "Ertis kontsert " direktory Daniiar Merǵaliev.
"Altai" halyq bi ansambliniń jetekshisi Timýr Qojahmetov 2020 jyly óńir basshysynyń bastamasymen qurylǵan bul ujym týraly az-kem aityp berdi.
– Qazirgi ýaqytta bizdiń quramda 30 ártis bar, 30-ǵa jýyq qoiylymdyq jumystar qoiylyp, 374 kostiým tigilgen. Jýyrda qurylǵan ansambl birqatar respýblikalyq jáne halyqaralyq saiystardyń jeńimpazy atanyp úlgerdi. Halyqaralyq bi kúnine arnalǵan "Jibek joly" jobasy boiynsha Pavlodar qalasynda gastroldik saparmen bolyp, Pavlodar qalasynyń "Nur" jáne Shymkent qalasynyń "Qazyna" bi ansamblderimen birlesken kontsert berdi, – dedi.
Ansambl jetekshisi 2023 jyl ujym úshin nátijeli bolýǵa ýáde beretinin aitty.
