Máskeýdegi meiramhanada bolǵan jarylys saldarynan Resei Áýe-ǵarysh kúshteriniń bas qolbasshysy Aleksandr Chaikonyń qyzy men kúieý balasy zardap shekken bolýy múmkin, dep habarlaidy Dalanews.
Reseilik «Verstka» basylymynyń málimetinshe, jarylys kezinde jaralanǵandardyń arasynda 25 jastaǵy Mariia Chaiko bolǵan. Basylym ony Resei Áýe-ǵarysh kúshteriniń bas qolbasshysy Aleksandr Chaikonyń qyzy dep kórsetedi.
Sondai-aq jaralanǵandar tiziminde 27 jastaǵy «Daniil P.» esimdi azamat bar. BAQ málimetinshe, áńgime Mariia Chaikonyń jubaiy Daniil Peredrii týraly bolýy múmkin.
Buǵan deiin Máskeýdegi Balzi Rossi meiramhanasynda 1 tamyz kúni keshke jarylys bolǵany habarlanǵan. Sońǵy málimetter boiynsha, bes adam qaza taýyp, taǵy 21 adam jaraqat alǵan.
Ýkrainalyq jáne birqatar táýelsiz BAQ-tyń jazýynsha, shabýyldyń nysanasy Aleksandr Chaiko bolýy múmkin degen boljam aitylyp otyr. Alaida bul aqparatqa resmi túrde rastaý berilgen joq.
