Resei Federatsiiasynyń basshysy Vladimir Pýtinniń ainalasyndaǵy keibir adamdar Krokýs siti holldaǵy teraktke Ýkrainanyń qatysy joq dep sanaidy, - dep habarlaidy Dalanews.kz Bloomberg-ke siltep.
Bul týraly Kremlmen tikelei bailanysty tórt adam aitqan. Olardyń aitýynsha, Pýtin teraktke Ýkrainanyń qatysy bar dep aitqanymen buǵan qatysty eshqandai dálel joq kórinedi. Bul málimdemeni Resei Qaýipsizdik keńesiniń hatshysy Nikolai Patrýshev pen FSB basshysy Aleksandr Bortnikov ta aitqan.
Bloomberg suhbat alǵan adamdardyń biri (aty-jónin atamaýdy ótingen) sheneýnikter terakttiń Kievpen eshqandai bailanysy joq dep kelisken talqylaýlarǵa Pýtin de qatysqanyn aitty. Biraq buǵan qaramastan Pýtin teraktti reseilikterdi Ýkrainadaǵy soǵysqa qarsy qoiý úshin paidalanýǵa bel bailap otyr dep sanaidy.
Taǵy bireýiniń aitýynsha, Kreml sheneýnikteri qaýipsizdik qyzmeti kontsert zalyna qarýly shabýyldyń aldyn ala almaǵanyna tańǵalǵan.
Aita keteiik, 23 naýryzǵa qaraǵan keshte Máskeýdegi "Krokýs Siti Holl" kontsert zalynda terakt boldy. Qarýlanǵan birneshe adam kontsert zalyna basyp kirip, ishinde júrgen adamdarǵa oq jaýdyra bastaǵan. Sol kúni ǵimaratta 6200-ge jýyq adam bolǵan. Sońǵy málimetter boiynsha, 133 adam qaza taýyp, taǵy 140 adam jaralanǵan.
Terakt bolǵan kúni-aq oǵan Ýkrainanyń qatysy bar degen áńgimeler tarady. Bul aqparatqa qatysty Ýkraina málimdeme jasady.
Ýkraina prezidenti Vladimir Zelenskiidiń keńse jetekshisiniń keńesshisi Mihail Podoliak "Krokýs siti holldaǵy" teraktke Ýkrainanyń qatysy joǵyn aitty.
"Naqtysyn aitaiyn. Ýkrainanyń bul jaittarǵa eshqandai qatysy joq", - deidi Podoliak.
Bul týraly "Strana.ua" basylymy jáne "Ýkraina Seichas" telergam arnasy habarlady.
