Resei 24 aqpanda Ýkrainaǵa basyp kirip, "aldyn ala soqqy berdi", bul "jalǵyz durys sheshim" boldy dep málimdedi Vladimir Pýtin Máskeýdegi Qyzyl alańdaǵy parad kezinde.
Resei men SSSR-diń burynǵy elderi Jeńis kúnin atap ótip jatyr. 77 jyl buryn SSSR natsistik Germaniiany tize búktirgenin málimdegen.
Biyl bul mereke Reseidiń Ýkrainaǵa shabýyl jasap jatqan kezinde atap ótilip jatyr. Resei Ýkrainaǵa shabýyldy "arnaiy operatsiia" dep ataidy.
Pýtin bul áreketine sebepshi bolǵan AQSh pen NATO elderi deidi. Onyń sózinshe, "AQSh pen NATO elderi Ýkrainany Reseige qarsy soǵys ashýǵa daiyndaǵan".
Pýtin German -Sovet soǵysynda qaza tapqandarmen qosa Ýkrainada qaitys bolǵan jaýyngerlerdi de bir minót eske alýdy usyndy. Ol qaitys bolǵandar men jaralanǵandardyń otbasyna kómek kórsetý jóninde jarlyq shyǵarǵanyn málimdedi.
Jeńis kúni qarsańynda batys aqparat quraldary Pýtin 9 mamyrda Ýkrainaǵa ashyq soǵys jariialaýy múmkin degen boljamyn jazǵan. Biraq Pýtin mundai málimdeme jasamady.
Parad tribýnasynda Resei úkimet basshysy Mihail Mishýstin, Qaýipsizdik keńesiniń tóraǵa orynbasary Dmitrii Medvedev jáne patriarh Kirill turdy.
Paradty qorǵanys ministri Sergei Shoigý qabyldap aldy. Aýa raiyna bailanysty parad kezinde Qyzyl alańnyń ústinen áskeri ushaqtar ushpaidy dep habarlandy.
Búgin sonymen birge Reseidiń kóptegen qalalarynda "Ólmes polk" marshy ótip jatyr. Bul shara pandemiiadan keiin araǵa úsh jyl salyp birinshi ret ótip jatyr. Bul sharada soǵysqa qarsy sózder jazylǵan plakatpen shyqqandar ustalǵan.
Ýkrainada da Jeńis kúni atap ótilip jatyr. Biraq eshqandai shara bolyp jatqan joq. Ýkraina prezidenti Vladimir Zelenskii 9 mamyr qarsańynda gitlerlik Germaniia men qazirgi Reseidi salystyrdy. Ol jaqynda Ýkraina eki birdei Jeńis kúnin atap ótedi, al bir jerde munyń birin de atap ótpeidi dedi.
