Máskeýdegi "Krokýs Siti Hollda" bolǵan lańkestik áreket saldarynan zardap shekkender sany taǵy artty. Sońǵy derekterge súiensek, 360 adamǵa kómek kórsetilgen eken, dep habarlaidy Dalanews.kz.
TASS málimetinshe, zardap shekken 92 adam aýrýhanaǵa jatqyzylyp, qazirgi tańda olardyń 63-i úiine oralǵan. Al 205 zardap shegýshige ambýlatorlyq kómek kórsetilgen.
Reseidiń densaýlyq saqtaý ministri Mihail Mýrashko zardap shekkenderdiń taǵy bireýi qaitys bolyp, qaza tapqandardyń jalpy sany 140-qa jetkenin atap ótti.
"Ókinishke qarai, aýyr halde bolǵan azamattyń biri qaitys boldy. Dárigerler ony aman alyp qalý úshin qoldan kelgenniń bárin jasady", - dedi Mýrashko.
Buǵan deiin Qasym-Jomart Toqaev Qazaqstannyń quqyq qorǵaý organdary qajet bolǵan jaǵdaida Reseige kómek kórsetetinin aitqan bolatyn.
Eske salaiyq, 22 naýryz kúni Máskeýdegi "Krokýs Siti Holl" kontsert zalynda terakt boldy. Qarýlanǵan birneshe adam kontsert zalyna basyp kirip, ishinde júrgen adamdarǵa oq jaýdyra bastaǵan. Sol kúni ǵimaratta 6200-ge jýyq adam bolǵan.
