Belgisiz bireýler Máskeýdegi Crocus City Hall konsert zalynda adamdarǵa oq jaýdyrdy, - dep habarlaıdy Dalanews.kz. 

Bul týraly birneshe reseılik telegram arna habarlady.

Rıa Novostı málimetinshe, keminde úsh adam oq jaýdyrǵan. 

Qazirgi ýaqytta konsert zalynda órt shyqqan. Sebebi oq atqandar granata jarǵan kórinedi. 
"Zalda júrgen adamdar atystan qorǵaný úshin birden jerge qulaı tústi. Keminde 15-20 mınýt jerde jatyp, aqyryndap syrtqa shyǵa bastady. Kóbi qashyp úlgerdi", - delingen telegram arnalarda. 

BAQ-ta qaza tapqandar týraly túrli aqparat taraǵan. Biri 15 adam qaza tapqan dese, endi birinde 40 adam qaza taýyp, 100 adam zardap shekkeni aıtylady.

Derekterge súıensek, atys "Pıknık" rok-tobynyń konsertine birneshe mınýt qalǵanda bastalǵan.