بەلگىسىز بىرەۋلەر ماسكەۋدەگى Crocus City Hall كونسەرت زالىندا ادامدارعا وق جاۋدىردى، - دەپ حابارلايدى Dalanews.kz.
بۇل تۋرالى بىرنەشە رەسەيلىك تەلەگرام ارنا حابارلادى.
ريا نوۆوستي مالىمەتىنشە، كەمىندە ءۇش ادام وق جاۋدىرعان.
قازىرگى ۋاقىتتا كونسەرت زالىندا ءورت شىققان. سەبەبى وق اتقاندار گراناتا جارعان كورىنەدى.
"زالدا جۇرگەن ادامدار اتىستان قورعانۋ ءۇشىن بىردەن جەرگە قۇلاي ءتۇستى. كەمىندە 15-20 مينۋت جەردە جاتىپ، اقىرىنداپ سىرتقا شىعا باستادى. كوبى قاشىپ ۇلگەردى"، - دەلىنگەن تەلەگرام ارنالاردا.
باق-تا قازا تاپقاندار تۋرالى ءتۇرلى اقپارات تاراعان. ءبىرى 15 ادام قازا تاپقان دەسە، ەندى بىرىندە 40 ادام قازا تاۋىپ، 100 ادام زارداپ شەككەنى ايتىلادى.
دەرەكتەرگە سۇيەنسەك، اتىس "پيكنيك" روك-توبىنىڭ كونسەرتىنە بىرنەشە مينۋت قالعاندا باستالعان.
