Máskeýdegi Troekýrov ziratynan Qyrǵyzstannyń tuńǵysh prezidenti Asqar Aqaevtyń uly, Nursultan Nazarbaevtyń burynǵy kúieý balasy Aidar Aqaevtyń jerlengen orny anyqtaldy, dep habarlaidy dalanews.kz.
Ziratta túsirilgen videony tanymal adamdardyń qabirleri týraly materialdar jariialaityn bloger Nail Valiev áleýmettik jelidegi paraqshasynda bólisken.
Onyń aitýynsha, Aidar Aqaevtyń qabirindegi besik pishininde jasalǵan erekshe eskertkish birden nazar aýdarǵan. Qabir Troekýrov ziratynyń musylmandar jerlengen bóliginde ornalasqan.
Aidar Aqaev 1998 jyly Qazaqstannyń tuńǵysh prezidenti Nursultan Nazarbaevtyń kenje qyzy Áliia Nazarbaevaǵa úilengen. Olardyń nekesi shamamen úsh jylǵa sozylyp, 2001 jyly ajyrasqan.
Keiin Aidar Aqaev qyrǵyzstandyq telejúrgizýshi Saikal Chokýbaevamen shańyraq kótergen.
Aidar Aqaev 2020 jylǵy 5 aqpanda Máskeýde qaitys boldy. BAQ-ta taraǵan málimet boiynsha, onyń ólimine júrek talmasy sebep bolǵan.
