مەسكەۋدەگٸ تروەكۋروۆ زيراتىنان قىرعىزستاننىڭ تۇڭعىش پرەزيدەنتٸ اسقار اقاەۆتىڭ ۇلى, نۇرسۇلتان نازارباەۆتىڭ بۇرىنعى كٷيەۋ بالاسى ايدار اقاەۆتىڭ جەرلەنگەن ورنى انىقتالدى, دەپ حابارلايدى dalanews.kz.
زيراتتا تٷسٸرٸلگەن ۆيدەونى تانىمال ادامداردىڭ قابٸرلەرٸ تۋرالى ماتەريالدار جارييالايتىن بلوگەر نايل ۆاليەۆ ەلەۋمەتتٸك جەلٸدەگٸ پاراقشاسىندا بٶلٸسكەن.
ونىڭ ايتۋىنشا, ايدار اقاەۆتىڭ قابٸرٸندەگٸ بەسٸك پٸشٸنٸندە جاسالعان ەرەكشە ەسكەرتكٸش بٸردەن نازار اۋدارعان. قابٸر تروەكۋروۆ زيراتىنىڭ مۇسىلماندار جەرلەنگەن بٶلٸگٸندە ورنالاسقان.
ايدار اقاەۆ 1998 جىلى قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ كەنجە قىزى ەلييا نازارباەۆاعا ٷيلەنگەن. ولاردىڭ نەكەسٸ شامامەن ٷش جىلعا سوزىلىپ, 2001 جىلى اجىراسقان.
كەيٸن ايدار اقاەۆ قىرعىزستاندىق تەلەجٷرگٸزۋشٸ سايكال چوكۋباەۆامەن شاڭىراق كٶتەرگەن.
ايدار اقاەۆ 2020 جىلعى 5 اقپاندا مەسكەۋدە قايتىس بولدى. باق-تا تاراعان مەلٸمەت بويىنشا, ونىڭ ٶلٸمٸنە جٷرەك تالماسى سەبەپ بولعان.
