Aldyn ala boljam boiynsha ol qaiǵyly oqiǵa oryn alǵan kezde qazaq qyzymen bir aýditoriiada bolǵan. Bul týraly KTK habarlady.
Shynymen de, Daǵystan úkimetiniń burynǵy basshysynyń ulyn qaiǵyly oqiǵaǵa qatysty tergegeni belgil boldy. Reseidiń buqaralyq aqparat quraldaryna súiensek, dál osy jigit stýdent qyzdy sýitsidke itermeleýi múmkin.
Sol ýaqytta jigit pen qyz bir-birine daýys kóterip sóilep jatqan eken.
Osydan keiin qazaqstandyu stýdent basa bastady nemese terezeden shyǵyp ketti. Bul iske qatysty reseilik tergeýshiler eshqandai resmi nusqalar jariialamady.
Biraq Tomiris Baisarynyń ózine qol jumsady degenge boijetkenniń jaqyndary senbeidi.
Oqys oqiǵa juma kúni Máskeýdegi eń bedeldi ýniversitetterdiń birinde boldy.
21 jastaǵy qazaq qyzy úlken úziliste tórtinshi qabattyń terezesinen qulap, aman qaldy.
Boijetkenniń qoly, jambas súiegi men qabyrǵalary synyp aýrýhanaǵa jetkizildi. Onda qazaq qyzyna tórt ota jasalyp, búiregin alyp tastady. Tomiristiń ókpesine zaqym kelip, ózdinen dem ala almaidy. Qazir dárigerler qyzdyń ókpesin saqtap qalý úshin kúresip jatyr. Ol áli de jansaqtaý bóliminde.
«Tomiristiń jaǵdaiy áli aýyr. Keshe oǵan ota jasalǵandyqtan, búginde qan kerek. Ókinishke orai, qandy tek Resei azamattary ǵana bere alady. Onyń qan toby birinshi topqa jatady, biraq oǵan kez-kelgen qan qajet»-deidi Tomiris Baisafynyń anasynyń qurbysy Áigerim Áshimova.
