Máskeýde bıikten qulaǵan qazaq qyzyna qastandyq jasalǵan ba?

Dalanews 18 sáý. 2018 06:22 845

Máskeýdegi joǵary oqý oryndarynyń birinde terezeden qulap ketken Tomırıs Baısarynyń isine qatysty jańa kúdikti paıda bolýy múmkin. Reseılik buqaralyq aqparat quraldary jazǵandaı, bul Daǵystan úkimetiniń burynǵy basshysynyń 22 jastaǵy uly.

Aldyn ala boljam boıynsha ol qaıǵyly oqıǵa oryn alǵan kezde qazaq qyzymen bir aýdıtorıada bolǵan. Bul týraly KTK habarlady.

Shynymen de, Daǵystan úkimetiniń burynǵy basshysynyń ulyn qaıǵyly oqıǵaǵa qatysty tergegeni belgil boldy. Reseıdiń buqaralyq aqparat quraldaryna súıensek, dál osy jigit stýdent qyzdy sýısıdke ıtermeleýi múmkin.

Sol ýaqytta jigit pen qyz bir-birine daýys kóterip sóılep jatqan eken.

Osydan keıin qazaqstandyu stýdent basa bastady nemese terezeden shyǵyp ketti. Bul iske qatysty reseılik tergeýshiler eshqandaı resmı nusqalar jarıalamady.

Biraq Tomırıs Baısarynyń ózine qol jumsady degenge boıjetkenniń jaqyndary senbeıdi.

«Men Tomırısti jáne onyń anasyn burynnan beri tanımyn. Bunyń sýısıd emes ekenine tolyq senimdimin. Ony ózine qol jumsady deý baryp turǵan aqylsyzdyq! Olar bir-birine ǵashyq bolǵan. Ol jigit uzaq ýaqyt boıy oǵan qamqorlyq jasap júrdi. Al, oqýdy jaqsy oqıtyn, bitirý keshine kóılek alyp qoıyp, magıstratýraǵa túsemin dep daıyndalyp júrgen qyz ózin terezeden tastaı salmaıdy. Tomırıs mundaı qadamǵa baratyndaı, eshqandaı kúızeliske ushyraǵan joq»,-deıdi Tomırıs Baısafynyń anasynyń qurbysy Áıgerim Áshimova.

Oqys oqıǵa juma kúni Máskeýdegi eń bedeldi ýnıversıtetterdiń birinde boldy.

21 jastaǵy qazaq qyzy úlken úziliste tórtinshi qabattyń terezesinen qulap, aman qaldy.

Boıjetkenniń qoly, jambas súıegi men qabyrǵalary synyp aýrýhanaǵa jetkizildi. Onda qazaq qyzyna tórt ota jasalyp, búıregin alyp tastady. Tomırıstiń ókpesine zaqym kelip, ózdinen dem ala almaıdy. Qazir dárigerler qyzdyń ókpesin saqtap qalý úshin kúresip jatyr. Ol áli de jansaqtaý bóliminde.

«Tomırıstiń jaǵdaıy áli aýyr. Keshe oǵan ota jasalǵandyqtan, búginde qan kerek. Ókinishke oraı, qandy tek Reseı azamattary ǵana bere alady. Onyń qan toby birinshi topqa jatady, biraq oǵan kez-kelgen qan qajet»-deıdi Tomırıs Baısafynyń anasynyń qurbysy Áıgerim Áshimova.