الدىن الا بولجام بويىنشا ول قايعىلى وقيعا ورىن العان كەزدە قازاق قىزىمەن بٸر اۋديتورييادا بولعان. بۇل تۋرالى كتك حابارلادى.
شىنىمەن دە, داعىستان ٷكٸمەتٸنٸڭ بۇرىنعى باسشىسىنىڭ ۇلىن قايعىلى وقيعاعا قاتىستى تەرگەگەنٸ بەلگٸل بولدى. رەسەيدٸڭ بۇقارالىق اقپارات قۇرالدارىنا سٷيەنسەك, دەل وسى جٸگٸت ستۋدەنت قىزدى سۋيتسيدكە يتەرمەلەۋٸ مٷمكٸن.
سول ۋاقىتتا جٸگٸت پەن قىز بٸر-بٸرٸنە داۋىس كٶتەرٸپ سٶيلەپ جاتقان ەكەن.
وسىدان كەيٸن قازاقستاندىۇ ستۋدەنت باسا باستادى نەمەسە تەرەزەدەن شىعىپ كەتتٸ. بۇل ٸسكە قاتىستى رەسەيلٸك تەرگەۋشٸلەر ەشقانداي رەسمي نۇسقالار جارييالامادى.
بٸراق توميريس بايسارىنىڭ ٶزٸنە قول جۇمسادى دەگەنگە بويجەتكەننٸڭ جاقىندارى سەنبەيدٸ.
وقىس وقيعا جۇما كٷنٸ مەسكەۋدەگٸ ەڭ بەدەلدٸ ۋنيۆەرسيتەتتەردٸڭ بٸرٸندە بولدى.
21 جاستاعى قازاق قىزى ٷلكەن ٷزٸلٸستە تٶرتٸنشٸ قاباتتىڭ تەرەزەسٸنەن قۇلاپ, امان قالدى.
بويجەتكەننٸڭ قولى, جامباس سٷيەگٸ مەن قابىرعالارى سىنىپ اۋرۋحاناعا جەتكٸزٸلدٸ. وندا قازاق قىزىنا تٶرت وتا جاسالىپ, بٷيرەگٸن الىپ تاستادى. توميريستٸڭ ٶكپەسٸنە زاقىم كەلٸپ, ٶزدٸنەن دەم الا المايدى. قازٸر دەرٸگەرلەر قىزدىڭ ٶكپەسٸن ساقتاپ قالۋ ٷشٸن كٷرەسٸپ جاتىر. ول ەلٸ دە جانساقتاۋ بٶلٸمٸندە.
«توميريستٸڭ جاعدايى ەلٸ اۋىر. كەشە وعان وتا جاسالعاندىقتان, بٷگٸندە قان كەرەك. ٶكٸنٸشكە وراي, قاندى تەك رەسەي ازاماتتارى عانا بەرە الادى. ونىڭ قان توبى بٸرٸنشٸ توپقا جاتادى, بٸراق وعان كەز-كەلگەن قان قاجەت»-دەيدٸ توميريس بايسافىنىڭ اناسىنىڭ قۇربىسى ەيگەرٸم ەشٸموۆا.
