![12045504_10208855639337836_5878032352215073484_o](/uploads/images/20240128161920585.jpg)
Biz orystardy emes, ózińizdegi sıaqty orysquldyq psıhologıany jek kóremiz. Biz, qazaq halqy, orys halqyn jek kórmeımiz. Bizge onyń qazirgi bıliginiń aram saıasaty, ulyorysshyldyq shovınızmi, ımperıalyq ambısıalary, Qyrymdy aneksıalaýy, Grýzıaǵa, Ýkraınaǵa tize batyrýy unamaıdy.
Keıbir saıasatkerleriniń Qazaq jerine kóz alartqany unamaıdy. «Qazaqstanǵa ásker kirgizemiz» degeni unamaıdy. Keshe Pıterde ótkizgen nasısteriniń quryltaılary unamaıdy. Skınhedteriniń qazaq azamattaryn óltirip ketip jatqany unamaıdy. Al biz Qazaqstandaǵy orys dıasporasyn eshqashan kemsitken emespiz.
Tipti ózińiz de sol dıasporanyń tilinde sóılep júrsiz ǵoı. Reseımen dostyǵymyz da oryndy shyǵar. Biraq zıaly qaýym ókilderi óte jaqyndasýdyń qajeti joq dep esepteıdi.
Reseımen odaqtas bolǵannan álemde bir de bir memleket keremet damyp, alǵa basyp ketken joq!
Bárinde «bardak». Álde siz Qazaqstannyń da sondaı shalajansar kúıde qala berýin qalaısyz ba? Tehnologıalyq artta qalǵan Reseıden emes álemniń ozyq elderinen úırenýimiz kerek. Sondyqtan durys pikir aıtatyn Ázimbaı, Muhtar sıaqty azamattarymyzda sharýańyz bolmasyn.
«Búırekten sıraq shyǵarmaı» qaıta den qoıyńyz. Ońdy pikirlerge qulaq túrińiz. Qudaıǵa shúkir,
Qazaq zıalylary qazir orysquldyq sanadan arylyp keledi.
Máskeý skınhedterinen jaqsylap bir taıaq jep kelseńiz, Sizdiń de pikirińiz qolma-qol ózgeretinine kúmánim joq. Al óte kúıip bara jatsańyz shoqynyp alyp, Reseı azamattyǵyna nege aýysyp ketpeısiz?!» dedi ol.