ءبىز ورىستاردى ەمەس، وزىڭىزدەگى سياقتى ورىسقۇلدىق پسيحولوگيانى جەك كورەمىز. ءبىز، قازاق حالقى، ورىس حالقىن جەك كورمەيمىز. بىزگە ونىڭ قازىرگى بيلىگىنىڭ ارام ساياساتى، ۇلىورىسشىلدىق ءشوۆينيزمى، يمپەريالىق امبيسيالارى، قىرىمدى اننەكسيالاۋى، گرۋزياعا، ۋكرايناعا تىزە باتىرۋى ۇنامايدى.
كەيبىر ساياساتكەرلەرىنىڭ قازاق جەرىنە كوز الارتقانى ۇنامايدى. «قازاقستانعا اسكەر كىرگىزەمىز» دەگەنى ۇنامايدى. كەشە پيتەردە وتكىزگەن ناسيستەرىنىڭ قۇرىلتايلارى ۇنامايدى. سكينحەدتەرىنىڭ قازاق ازاماتتارىن ءولتىرىپ كەتىپ جاتقانى ۇنامايدى. ال ءبىز قازاقستانداعى ورىس دياسپوراسىن ەشقاشان كەمسىتكەن ەمەسپىز.
ءتىپتى ءوزىڭىز دە سول دياسپورانىڭ تىلىندە سويلەپ ءجۇرسىز عوي. رەسەيمەن دوستىعىمىز دا ورىندى شىعار. ءبىراق زيالى قاۋىم وكىلدەرى وتە جاقىنداسۋدىڭ قاجەتى جوق دەپ ەسەپتەيدى.
رەسەيمەن وداقتاس بولعاننان الەمدە ءبىر دە ءبىر مەملەكەت كەرەمەت دامىپ، العا باسىپ كەتكەن جوق!
بارىندە «بارداك». الدە ءسىز قازاقستاننىڭ دا سونداي شالاجانسار كۇيدە قالا بەرۋىن قالايسىز با؟ تەحنولوگيالىق ارتتا قالعان رەسەيدەن ەمەس الەمنىڭ وزىق ەلدەرىنەن ۇيرەنۋىمىز كەرەك. سوندىقتان دۇرىس پىكىر ايتاتىن ءازىمباي، مۇحتار سياقتى ازاماتتارىمىزدا شارۋاڭىز بولماسىن.
«بۇيرەكتەن سيراق شىعارماي» قايتا دەن قويىڭىز. وڭدى پىكىرلەرگە قۇلاق ءتۇرىڭىز. قۇدايعا شۇكىر،
قازاق زيالىلارى ءقازىر ورىسقۇلدىق سانادان ارىلىپ كەلەدى.
ماسكەۋ سكينحەدتەرىنەن جاقسىلاپ ءبىر تاياق جەپ كەلسەڭىز، ءسىزدىڭ دە پىكىرىڭىز قولما-قول وزگەرەتىنىنە كۇمانىم جوق. ال وتە كۇيىپ بارا جاتساڭىز شوقىنىپ الىپ، رەسەي ازاماتتىعىنا نەگە اۋىسىپ كەتپەيسىز؟!» دەدى ول.
