Ulttyq qaýipsizdik komitetiniń burynǵy tóraǵasy Kárim Másimovten qalǵan "mura" bir-birlep satylǵaly jatyr, - dep habarlaidy Dalanews.kz.
Jańa derek: Másimovten qalǵan "mura" týraly ne belgili?
Kárim Másimovtiń úiindegi baǵaly zattar jeke aýktsion arqyly satylýy múmkin. Sottalǵan UQK eks-tóraǵasy, burynǵy premer-ministr Kárim Másimovtiń Astanadaǵy saraiyn áleýmettik qajettilikke berý josparlanyp otyr. Elorda ákimdigi úidi paidalanýǵa ótinish bergen, biraq ol áli rastalǵan joq. Bul týraly Qaitarylǵan aktivterdi basqarý jónindegi kompaniia basshysy Qýanyshbek Muqash málimdedi.
Qýanyshbek Muqash záýlim úidiń jáne ondaǵy baǵaly zattardyń taǵdyry týraly saýalǵa jaýap berdi.
"Bizde balansta Nura aýdanynda ornalasqan úi bar, aýmaǵy - 2000 sharshy metr. Astana ákimdigi ótinish bildirip, ony áleýmettik nysan retinde alǵysy keldi, biraq qazir olardyń rastaýyn kútip otyrmyz", - dep túsindirdi ol.
Qýanyshbek Muqashtyń aitýynsha, úidegi baǵaly zattar satylymǵa shyǵarylýy múmkin.
"Olar bólek baǵalanǵandyqtan, jeke aktivter bolǵandyqtan, saýda-sattyqqa, aýktsionǵa bólek qoiylady jáne solai satylady dep oilaimyn. Bolmasa kez kelgen aktivke qosyp, sonymen birge satamyz", - dedi kompaniia basshysy.
Buǵan deiingi jaǵdai
Eske salaiyq, buǵan deiin Ulttyq qaýipsizdik komitetiniń burynǵy tóraǵasy, burynǵy premer-ministr Kárim Másimovtiń Astanadaǵy úii áleýmettik qajettilikke bailanysty aýktsionnan alynyp tastaldy.
Al oǵan deiin tiisti lot E-Qazyna elektron saýda alańynyń saitynda jariialanǵan edi. Jertólesi bar turǵyn úi elordanyń Nura aýdanynda ornalasqan. Jalpy aýdany 2877,7 sharshy metr bolatyn eki qabatty úi.
Úige ártúrli aýmaqtaǵy birneshe jer ýchaskesi kiredi, olardyń birinde garaj ornalasqan. Úi 879 dana múlikpen birge satylatyny aityldy. Olardyń arasynda jihaz, turmystyq zattar, zergerlik buiymdar, kollektsiialyq monetalar, kádesyi retindegi qarýlar bar.
