Eki qalada qazaqstandyqtardyń jeke deregin satyp júrgender anyqtaldy, dep habarlaıdy Dalanews.kz.
Bıyl naýryzda UQK prokýratýranyń úılestirýimen Astana jáne Almaty qalalarynda Qazaqstan azamattarynyń jeke deregin zańsyz jınap, taratty degen kúdiktilerdi anyqtady.
Tergeý materıaldary boıynsha qylmystyq iske qatysýshylar zańsyz jolmen alynǵan aqparatty ınternet jelisinde satyp kelgen.
"Satyp alýshylar qatarynda mıkroqarjy uıymdarynyń, kolektorlyq uıymdardyń keıbir ókilderi, sondaı-aq, jeke tulǵalar bolǵan. Tintý barysynda kompúterlik tehnıka, elektron aqparat tasymaldaǵyshtar, iri kólemde aqsha jáne ózge de zattaı dálelder tárkilendi. Qylmystyq kodekstiń 147, 208 jáne 210-baptary boıynsha sotaldy tergep-tekserý júrgizilip jatyr", - dedi UQK ókilderi.
