Ishki ister ministriniń orynbasary Sanjar Ádilov amnistiia burynǵy UQK tóraǵasy Kárim Másimovke, eks-ministr Qýandyq Bishimbaevqa jáne Perizat Qairatqa qoldanylmaitynyn málimdedi, dep habarlaidy dalanews.kz.
Onyń aitýynsha, Qazaqstan Respýblikasynyń Qylmystyq kodeksiniń 78-babynda belgili bir sanattaǵy sottalǵandarǵa amnistiia jasaýǵa tikelei tyiym salynǵan.
«QR Qylmystyq kodeksiniń 78-baby memleketke opasyzdyq, terrorizm, ekstremizm, sybailas jemqorlyq qylmystary jáne uiymdasqan top quramynda jasalǵan qylmystar úshin sottalǵan adamdarǵa amnistiia qoldanýǵa tyiym salady», – dedi Ádilov.
Osylaisha, atalǵan tulǵalardy amnistiia aiasynda bosatý máselesi qarastyrylmaidy.
Eske salsaq, Kárim Másimov 2022 jylǵy Qańtar oqiǵalarynan keiin memleketke opasyzdyq jasady degen aiyppen sottalǵan bolatyn.
Al Qýandyq Bishimbaev Saltanat Núkenovany óltirgeni úshin 24 jylǵa bas bostandyǵynan aiyryldy.
Perizat Qairat sý tasqynynan zardap shekkenderge kómek retinde jinalǵan qarajatty jymqyrdy degen aiyppen 10 jylǵa sottalǵan.
