Mońǵoliiaǵa is-saparmen barǵan QR Premer-ministri jolai Baian-Ólgii halqymen kezdesip, jaqynda ǵana oryn alǵan selden zardap shekken turǵyndarǵa Qazaq eliniń bir-eki kúnniń ishinde qarjylai kómek beretinin aitty - dep habarlaidy BAQ.kz-ke silteme jasap, dalanews.kz.
Osy óńirde is-saparmen júrgen jýrnalist Marfýǵa Shapiian óziniń jeke paraqshasynda bylai dep jazyp, Úkimet basynyń kezdesýinen sýretter jariialaǵan eken. Áriptesimizdiń sýretterin nazarlaryńyzǵa usynamyz.
"Jańa ǵana biz toqtaǵan "Bai Ólke" qonaqúiiniń aldyndaǵy alańda Qazaqstannan kelgen delegattar men jergilikti qazaq halqynyń kezdesýi ótti. Ózimiz teledidardan áreń kóretin Úkimet basshysy Kárim Másimovti kórip, qazaqsha maqaldatyp sóilegenin estip "shok" bolǵansyń ǵoi. Janyna Mádeniet ministri men Densaýlyq ministrin ertip alypty...
Ázil-ázilmen ǵoi, biraq halyq shyny kerek, kesheli-beri Úkimet basshynyń kelýin kádimgidei kútti. Ony tań atpastan alańǵa jinalyp alǵan halyqtyń qarasynyń kóptiginen baiqaýǵa bolady. Árine, olai bolatyn jóni bar. Úkimet basshysy 25 jylda birinshi ret bul jaqqa at basyn buryp tur. Ólgeilik bilik tarapynan balabaqsha, aýrýhana salý, Qazaqstanǵa kóship barǵan oralmandardyń zeinetaqysyn retteý, áýe jolyn qaita qalpyna keltirý máseleleri qozǵaldy. Al biz jaq osy bir-eki kúnde apattan zardap shekkenderge beriletin qarjyny aýdaratynyn jáne jastarǵa ýniversitetke bolmashy grant bóletinin aitty. Endi memleket biýdjetinen qanshalyq qarjy beriletinin bilmeimiz ǵoi, biraq halyq osyndai kóńili jarym tusta Qazaqstannyń nazar aýdaryp, birinshi bop kómek qolyn sozyp jatqanyna, Úkimet basshysynyń kelgenine kádimgidei qýanyp, bir serpilip qalǵan siiaqty... Sóitip, Úkimet basshyny teatrǵa alyp ketti, biz qonaqúiimizge qaittyq", - deidi jýrnalist.
