موڭعوليياعا ٸس-ساپارمەن بارعان قر پرەمەر-مينيسترٸ جولاي بايان-ٶلگيي حالقىمەن كەزدەسٸپ, جاقىندا عانا ورىن العان سەلدەن زارداپ شەككەن تۇرعىندارعا قازاق ەلٸنٸڭ بٸر-ەكٸ كٷننٸڭ ٸشٸندە قارجىلاي كٶمەك بەرەتٸنٸن ايتتى - دەپ حابارلايدى BAQ.kz-كە سٸلتەمە جاساپ, dalanews.kz.
وسى ٶڭٸردە ٸس-ساپارمەن جٷرگەن جۋرناليست مارفۋعا شاپييان ٶزٸنٸڭ جەكە پاراقشاسىندا بىلاي دەپ جازىپ, ٷكٸمەت باسىنىڭ كەزدەسۋٸنەن سۋرەتتەر جارييالاعان ەكەن. ەرٸپتەسٸمٸزدٸڭ سۋرەتتەرٸن نازارلارىڭىزعا ۇسىنامىز.
"جاڭا عانا بٸز توقتاعان "باي ٶلكە" قوناقٷيٸنٸڭ الدىنداعى الاڭدا قازاقستاننان كەلگەن دەلەگاتتار مەن جەرگٸلٸكتٸ قازاق حالقىنىڭ كەزدەسۋٸ ٶتتٸ. ٶزٸمٸز تەلەديداردان ەرەڭ كٶرەتٸن ٷكٸمەت باسشىسى كەرٸم مەسٸموۆتٸ كٶرٸپ, قازاقشا ماقالداتىپ سٶيلەگەنٸن ەستٸپ "شوك" بولعانسىڭ عوي. جانىنا مەدەنيەت مينيسترٸ مەن دەنساۋلىق مينيسترٸن ەرتٸپ الىپتى...
ەزٸل-ەزٸلمەن عوي, بٸراق حالىق شىنى كەرەك, كەشەلٸ-بەرٸ ٷكٸمەت باسشىنىڭ كەلۋٸن كەدٸمگٸدەي كٷتتٸ. ونى تاڭ اتپاستان الاڭعا جينالىپ العان حالىقتىڭ قاراسىنىڭ كٶپتٸگٸنەن بايقاۋعا بولادى. ەرينە, ولاي بولاتىن جٶنٸ بار. ٷكٸمەت باسشىسى 25 جىلدا بٸرٸنشٸ رەت بۇل جاققا ات باسىن بۇرىپ تۇر. ٶلگەيلٸك بيلٸك تاراپىنان بالاباقشا, اۋرۋحانا سالۋ, قازاقستانعا كٶشٸپ بارعان ورالمانداردىڭ زەينەتاقىسىن رەتتەۋ, ەۋە جولىن قايتا قالپىنا كەلتٸرۋ مەسەلەلەرٸ قوزعالدى. ال بٸز جاق وسى بٸر-ەكٸ كٷندە اپاتتان زارداپ شەككەندەرگە بەرٸلەتٸن قارجىنى اۋداراتىنىن جەنە جاستارعا ۋنيۆەرسيتەتكە بولماشى گرانت بٶلەتٸنٸن ايتتى. ەندٸ مەملەكەت بيۋدجەتٸنەن قانشالىق قارجى بەرٸلەتٸنٸن بٸلمەيمٸز عوي, بٸراق حالىق وسىنداي كٶڭٸلٸ جارىم تۇستا قازاقستاننىڭ نازار اۋدارىپ, بٸرٸنشٸ بوپ كٶمەك قولىن سوزىپ جاتقانىنا, ٷكٸمەت باسشىسىنىڭ كەلگەنٸنە كەدٸمگٸدەي قۋانىپ, بٸر سەرپٸلٸپ قالعان سيياقتى... سٶيتٸپ, ٷكٸمەت باسشىنى تەاترعا الىپ كەتتٸ, بٸز قوناقٷيٸمٸزگە قايتتىق", - دەيدٸ جۋرناليست.
