Onyń Kárimniń adamy ekeninde kúmán joq, áitkenmen Másimovtiń isine yqpal etýge Krýpenkonyń saiasi salmaǵy jetpeidi. Bul missiia – oǵan qaraǵanda áldeqaida kólemdi kalibrlerge, sonyń ishinde Aq úidiń mańyndaǵy saiasatkerlerge júktelgen.
Sonyń biri – AQSh Memdepartamenti men Qaýipsizdik keńesiniń eks-qyzmetkeri Devid Merkel. Keibir derekkózdiń maǵlumaty boiynsha Merkel Nazarbayev University direktorlar keńesine de kirip alǵan.
Transulttyq kompaniialardyń lobbiimen ainalysatyn Merkeldi ótken jyldyń sáýirinde Shevron kompaniiasy Qazaqstan boiynsha keńesshi etip jaldapty.
Intelligence Online taratqan málimetke sáikes – Shevron Másimovtiń basynan baq taiady dep kútpegen, eldegi eń iri investor men Aqordanyń arasyndaǵy kelissózde Másimov deldal esebinde júrgen. Bylaisha aitqanda, munai-gaz salasyndaǵy irili-usaqty túitkilder "murttynyń" kómegimen rettelgen.
Soǵan qaraǵanda Merkel Nazarbaev áýletine de bóten emes.
Dalainside-qa belgili bolǵandai karimmassimov.com saitynyń "admini" de osy kisi. Saittyń qazaq-orys nusqasy joq, tek aǵylshyn tilinde taraidy. Tirkelgen jeri – US Arizona shtaty, Fenikstiń irgesindegi Skottsdeil deitin shaǵyn shahar. Dál osy jerde Merkelge tiesili Summit International Advisors kompaniiasy oryn tepken.
Merkeldiń ótken-ketkenine úńilip jatpaiyq. Aq úidegi yqpaldylarmen ámpei-jámpei ekenin ilgeride aittyq. Bizge onyń qazirgi ritorikasy qyzyq.
Ol Másimov qamaýǵa alynǵaly Jańa Qazaqstandy jatpai-turmaý jamandaýmen keledi.
Onyń aitýynsha, Másimovtyń tusynda Aqorda AQSh pen Batystyń, Qytai pen Reseidiń babyn taýyp, syrtqa saiasatty saýatty júrgizgen. Qazaqstandaǵy prezident sailaýy súreńsiz ótken, saiasi reforma júrgizýge sert bergen Toqaev kosmetikalyq ózgerispen shektelgen. "Murttyny" qýǵyn-súrginge ushyratý arqyly óz repýtatsiiasyn oisyratqan.
"Aqordanyń qolynda onyń Qańtar oqiǵasyna qatysy baryn rastaityn aiǵaq joq. Másimov Qaýipsizdik keńesiniń otyrysy aiaqtala salysymen ile-shala qamaýǵa alyndy. Ash-jalańash kúiinde, resmi aiyp taǵylǵansha Aqordanyń jertólesinde jatty. As-sýdan aiyrdy, tabanynan syz ótti, tiisti em-dom kórsetilmedi...", – dep dabyl qaǵady Merkel.
DALA INSIDE onyń sózin sóileýden aýlaq. Qazaqtildi aýditoriia Másimovke áldeqashan ádil baǵasyn bergen. Al Jańa Qazaqstan úshin Másimovtyń qorǵaýshysy bas aýrýǵa ainalatyn túri bar.
Merkeldiń málim etkenindei AQSh Memdepartamentidegi yqpaldy tulǵalar UQK-nyń eks-tóraǵasyna bostandyqqa berilýin talap etken. Bulardyń bosaǵasyn tozdyrǵan Merkel "murttynyń" úgit-nasihatyn júrgizgenge uqsaidy.
Merkelden taǵy bar mańyzdy insaid: Másimov Batys pen AQSh-qa syily.
Dalainside qa jetken málimet boiynsha aldaǵy ýaqytta Másimovti dáripteitin aǵylshyntildi media agenttikter kóbeiedi. Amerikalyq lobbist Másimovti Qańtar qurbany retinde kórsetýdi kózdeidi.
Anyǵy, alys qurlyqta Másimovtiń máselesine bei-jai qaramaityn yqpaldy kúsh bar. "Murttyny" qorǵashtaǵan Merkel kimderdiń aldyna bardy?
Bul týraly zertteýdiń 3-shi taraýynda keńinen sóz etemiz. Arnaǵa tirkelip alyńyz?
Dalainside
https://dalanews.kz/del-qazir/86610-masimovting-kitaptaryn-aqsh-tyng-dokeyl
https://dalanews.kz/aimak/86588-qonaevtagy-temir-zhol-qalanyng-syrtyna
https://dalanews.kz/news/86537-amanat-partiiasy-khalyqpen-birge-saylau
https://dalanews.kz/del-qazir/86560-kremldegi-alauyzdyq-putinning-aynal
https://dalanews.kz/aimak/86568-alakoldegi-balyq-zauyty-balalar-taga
