Dalanews.kz agenttigine jetken málimetke sensek, "Qazmyrysh" óziniń 25 paiyz aktsiiasyn shveitsariialyq kompaniiaǵa satqan.
Ústimizdegi jyldyń maýsym aiynda "Qazmyryshtyń" qorjynyndaǵy kapitaly 357 mlrd teńgeni quraǵan bolatyn. Demek Telf AG kompaniiasy "Qazmyryshtyń" qojaiyndaryna 89 mlrd teńgeni sanap berip, onyń 25 paiyz aktsiiasyna ielik etý múmkindigine ie boldy.
Búginde elimizdegi iri kompaniialardyń aktivterin ielenýde orystyń oligarhtary belsendi áreket etýde. Bul – elimiz úshin qanshalyqty qaýipti qubylys degen zańdy suraq týyndaidy.
Mańdaiǵa basqan kompaniialardyń qojaiyndary orystyń oligarhtary bolýy, elimizdi Kremlge ekonomikalyq turǵydan birshama kiriptar qylatyny túsinikti.
Biz – bul máseleni bekerge qozǵap otyrǵan joqpyz. "Qazmyryshtyń" 25 paiyz aktsiiasyn satyp alǵan shveitsariialyq Telf AG kompaniiasy orys oligarhtaryn tiesili qurylym ekeni jasyryn emes.
Telf AG kompaniiasy 90 jyldardan beri TMD elderinde óndirilgen munai, kómir, metaldy Eýropa naryǵyna jetkizip, saýdalaýmen aty shyqqan kompaniia.
Bul kompaniia Shveitsariiada tirkelgenimen onyń negizgi quryltaishysy, qojaiyny reseilik oligarh Stanislav Kondrashov ekenin aita ketýimiz kerek.
Demek "Qazmyryshtyń" qomaqty aktsiiasy Kremldiń ýysyna tústi dep nyq senimmen aitýǵa bolady. Óitkeni Reseidiń baishy-keshteri Kremldiń tórinde otyrǵan Pýtinniń aitqanymen júrip-turatynyn bárimiz bilemiz.
Osylaisha elde "Eýraziialyq úshtik" dep atalatyn Aleksandr Mashkevich, Patoh Shodiev, Shýhrat Ibragimov óz úlesterin orystarǵa satqansha asyqqanyn baiqaýǵa bolady.
Aitapqshy, «Qazmyryshqa» osy úsheýi ielik etetini belgili. Árqaisynda kompaniiayń 20 paiyzdan úlesi bar. Al "Qazmyryshtyń" qalǵan 40 paiyz aktsiiasy QR Qarjy ministrligi ielik etedi.
Ázirshe "Qazmyrysh" kompaniiasy bul kelisimge qatysty lám-lim dep aqparat taratqan joq. Telf AG kompaniiasy kimderdiń úlesi satylǵany jaiynda aqparat joq. Saitymyz bul kelsiminiń qalai júrgenin nazarda ustaityn bolady.
