Dalanews.kz اگەنتتىگىنە جەتكەن مالىمەتكە سەنسەك، "قازمىرىش" ءوزىنىڭ 25 پايىز اكسياسىن شۆەيساريالىق كومپانياعا ساتقان.
ۇستىمىزدەگى جىلدىڭ ماۋسىم ايىندا "قازمىرىشتىڭ" قورجىنىنداعى كاپيتالى 357 ملرد تەڭگەنى قۇراعان بولاتىن. دەمەك Telf AG كومپانياسى "قازمىرىشتىڭ" قوجايىندارىنا 89 ملرد تەڭگەنى ساناپ بەرىپ، ونىڭ 25 پايىز اكسياسىنا يەلىك ەتۋ مۇمكىندىگىنە يە بولدى.
بۇگىندە ەلىمىزدەگى ءىرى كومپانيالاردىڭ اكتيۆتەرىن يەلەنۋدە ورىستىڭ وليگارحتارى بەلسەندى ارەكەت ەتۋدە. بۇل – ەلىمىز ءۇشىن قانشالىقتى ءقاۋىپتى قۇبىلىس دەگەن زاڭدى سۇراق تۋىندايدى.
ماڭدايعا باسقان كومپانيالاردىڭ قوجايىندارى ورىستىڭ وليگارحتارى بولۋى، ەلىمىزدى كرەملگە ەكونوميكالىق تۇرعىدان ءبىرشاما كىرىپتار قىلاتىنى تۇسىنىكتى.
ءبىز – بۇل ماسەلەنى بەكەرگە قوزعاپ وتىرعان جوقپىز. "قازمىرىشتىڭ" 25 پايىز اكسياسىن ساتىپ العان شۆەيساريالىق Telf AG كومپانياسى ورىس وليگارحتارىن تيەسىلى قۇرىلىم ەكەنى جاسىرىن ەمەس.
Telf AG كومپانياسى 90 جىلداردان بەرى تمد ەلدەرىندە وندىرىلگەن مۇناي، كومىر، مەتالدى ەۋروپا نارىعىنا جەتكىزىپ، ساۋدالاۋمەن اتى شىققان كومپانيا.
بۇل كومپانيا شۆەيساريادا تىركەلگەنىمەن ونىڭ نەگىزگى قۇرىلتايشىسى، قوجايىنى رەسەيلىك وليگارح ستانيسلاۆ كوندراشوۆ ەكەنىن ايتا كەتۋىمىز كەرەك.
دەمەك "قازمىرىشتىڭ" قوماقتى اكسياسى كرەملدىڭ ۋىسىنا ءتۇستى دەپ نىق سەنىممەن ايتۋعا بولادى. ويتكەنى رەسەيدىڭ بايشى-كەشتەرى كرەملدىڭ تورىندە وتىرعان ءپۋتيننىڭ ايتقانىمەن ءجۇرىپ-تۇراتىنىن ءبارىمىز بىلەمىز.
وسىلايشا ەلدە "ەۋرازيالىق ۇشتىك" دەپ اتالاتىن الەكساندر ماشكيەۆيچ، پاتوح شودييەۆ، شۋحرات يبراگيموۆ ءوز ۇلەستەرىن ورىستارعا ساتقانشا اسىققانىن بايقاۋعا بولادى.
ايتاپقشى، «قازمىرىشقا» وسى ۇشەۋى يەلىك ەتەتىنى بەلگىلى. ءارقايسىندا كومپانياىڭ 20 پايىزدان ۇلەسى بار. ال "قازمىرىشتىڭ" قالعان 40 پايىز اكسياسى ق ر قارجى مينيسترلىگى يەلىك ەتەدى.
ازىرشە "قازمىرىش" كومپانياسى بۇل كەلىسىمگە قاتىستى ءلام-ليم دەپ اقپارات تاراتقان جوق. Telf AG كومپانياسى كىمدەردىڭ ۇلەسى ساتىلعانى جايىندا اقپارات جوق. سايتىمىز بۇل كەلسىمىنىڭ قالاي جۇرگەنىن نازاردا ۇستايتىن بولادى.
