Qalai deisiz be? "Jumysty atqaryp tastadyq" degen jalǵan aktiler toltyrý arqyly ailapat aqsha tistegenniń aýzynda, ustaǵannyń qolynda ketipti. Bul daýǵa Baianaýylynyń aýdanynyń eks-ákimi Orazgeldi Qaiyrgeldinov te shatylyp, qazir sot aldy tergeýden ótýde.
Naqtylai ketelik, aýdan ákimi bar, aýdannyń jolaýshylary tasymaly jáne kólik joldary bóliminiń jetekshisi bar jáne jol jóndeýge bólingen tenderdi utyp alǵan Sapa+ JShS-nyń basshysy úsheýi sóz bailasyp, 2018-2019 jyly uzyndyǵy 37 shaqyrym Alekseevka-Jańajol (Máshhúr Júsip Kópeiulynyń kesenesi osy aýylda ornalasqan) ýchaskisine bólingen 399 mln-dy teń bólisip alǵan.
Bylaisha aitqanda "Óńirlerdi damytý" baǵdarlamasynyń aiasynda bólingen aqshany banktegi esepshotyna aýdarǵan.
Máshhúr Júsiptiń kesenesine aparar tas joldyń qurylysymen tanysýǵa depýtat Nurjan Áshimbetov arnaiy kelip, kóńili tolmai qaitty. Halyq qalaýlysyna esep bergen qazirgi aýdan ákimi Qanat Kárimov SAPA+ JShS-niń jumysyndaǵy shikilikterdi tizip shyqty.
"37 shaqyrymnyń 26-syn asfalttap tastadyq dep akti toltyrǵan. Onyń ózi shala-sharpy. Ózge 7 shaqyrymy aiaqsyz qaldy. Joldyń sapasy syn kótermeidi. Qazirdiń ózinde qos qaptaly kertilip, uńǵyl-shuńǵyly kóbeiip jatyr. Bul merdigerge senim joq. Byltyr jasaǵan jolynyń siqy mynaý. Aiaqsyz qalǵan jumysty qaitadan tender oinatyp, jóni durys merdigerge tapsyrý kerek. SAPA+-tiń basy daýǵa qalǵanyn bilesiz. Bul is sotqa jetpei tynbaidy", – deidi aýdan ákimi.
Kesenege bastar joldy byltyr ǵana 900 mln teńgege kúrdeli jóndeýden ótkizgen SAPA+ JShS biyl bul joldy qaita jasap shyǵypty. Alaida byltyrǵydan ońǵany shamaly. "Myna joldyń qalyńdyǵy bittiń qabyǵyndai ǵana" deidi depýtat Nurjan Áshimbetov.
Al qurylysqa bólingen qarjynyń qyzyǵyn jemqorlar kórgen.
Jergilikti jurt bolsa "merdiger kompaniia Májhúr Júsiptiń kesenesine aparar tas joldyń qurylysyna bólingen aqshany jambasqa basqany úshin áýlieniń qarǵysyna ushyrady" deidi.
"Áýlie mundaidy keshirmeidi. Kesene janynan ótip bara jara jatqan maskúnemniń kóligi mindetti túrde buzylady. Qara nietti, teris piǵyldy jandar keseneni ainalyp ótýi kerek.
Kesenege aparar tas joldyń qurylysyna bólingen qarajatqa djip satyp alǵan merdigerdiń biri dál osy arada aýdarylyp qalǵan.
Bul jolǵa bólingen aqshany asap alǵysy kelgen ákimderdiń eshbiri ońǵan joq", – deidi baianaýyldyqtar.
Al SAPA+ JShS-nyń bedeline áldeqashan daq túsken eken. Memlekettik satyp alý reestrinde bul kompaniia óz jumysyn sońyna deiin oryndamaityn mekeme retinde "qara tizimge" enipti.
"Mundai kompaniianyń bizdiń óńirde qalai, qaitip jumys istep kelgenin anyqtaimyz", – deidi Pavlodar óńirindegi Korrýptsiiaǵa qarsy qyzmettiń basshysy Aidar Tastemirov.
...
Pavlodar oblysy, Baianaýyl aýdany, óz týǵan aýylynda sopylardyń sońǵy urpaǵy Máshhúr Júsip Kópeev 1931 jyly jer qoinyna tapsyrylady.⠀
Óziniń ólimine 10 jyl qalǵanda 1921 jyly Máshhúr Júsip bar týys-týmasyn jinap, bir jerdi anyqtap kórsetip: «Meniń mazarymdy osy jerden qazyńdar. Meni jatqyzyp emes, otyrǵyzyp jerleńder. Álsin-álsin habar alyp turyńdar, meniń denem 40 jyl boiy buzylmai saqtalady» degen eken. Qaitys bolarynan týra bir jyl buryn úlken kelini Aq Zeineptiń inisi Dusjanǵa mazaryn qazdyryp bastaidy. Ózi únemi basy-qasynda otyryp, enin, uzyndyǵyn qadaǵalaidy.⠀
Mazar daiyn bolǵan soń alys-jaqyn aǵaiyn-aýylyn jinap, kózi tirisinde óziniń janazasyn shyǵaryp, qurban shalyp, as bergizedi.⠀
Munyń sebebin suraǵan aýyldastaryna: «Jetpis úshke shyqqansha baltalasań da ólmeimin. Jetpis úshke shyqqan soń surasań da turmaimyn. Men ólgen soń qatty álsireisińder. As berip, janaza namazymdy oqytpaq túgili, baqa-shaian terip ketesińder», – dep 1931 jylǵy asharshylyqty kúni buryn boljaǵan eken. Rasynda sopy jan tapsyrǵan soń álsiregen týystary áýlieniń máiitin daiyn mazaratqa áreń aparyp jerleidi.⠀
Sodan soń áýlie Máshhúr Júsip sózin bylai dep jalǵaidy: «Jut keledi. Qalyń qazaq qyrylady. Juttan aman shyqqan el 70 jyl Qudaisyz qoǵamda ómir súredi. Odan keiin eldi 30 jyl ury-qarylar bylyqtyrady. Osynyń bárinen ótken soń ǵana qazaqqa qoi ústine boztorǵai jumyrtqalaǵan zaman týady» dep boljaǵan eken.⠀
Áýlie Máshhúr Júsiptiń 4 boljamy oryndalyp ketti.
Olar:
✓ óziniń ólimi
✓ asharshylyq
✓ 70 jyl ateistik kompartiia
✓ 30 jyl ury-qarynyń bileýi.⠀
Endi besinshisi beibit, beiqam zaman 2021 jyldyń sońyna kelip tur eken. Bilikke adal sút emgen, halqyna qaiyrly basshylar keledi dep boljaǵan eken.
https://youtu.be/nD67mVJyuMo
