Mańǵystaý oblysynyń jumyspen qamtýdy úilestirý jáne áleýmettik baǵdarlamalar basqarmasynyń burynǵy basshysy Áset Shopanov Aqtaý qalasy ákiminiń orynbasary bolyp taǵaiyndaldy. Buǵan deiin ol mas kúiinde rólge otyrǵany úshin sot sheshimimen 15 táýlikke qamaýǵa alynǵan edi, dep habarlaidy Dalanews.kz.
"Aqtaý qalasy ákiminiń orynbasary bolyp Áset Shopanov taǵaiyndaldy", – delingen seisenbi kúni taratylǵan resmi habarlamada.
2023 jyldyń shilde aiynda Shopanov mas kúiinde kólik júrgizgeni úshin ustalyp, 15 táýlikke qamalǵan. Sonymen qatar sot ony jeti jyl merzimge júrgizýshi kýáliginen aiyrǵan. Alaida sol kezde oblystyq basqarma basshysy qyzmetinde bolǵan sheneýnik tek qatań sógispen shektelgen.
