ماڭعىستاۋ وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ بۇرىنعى باسشىسى اسەت شوپانوۆ اقتاۋ قالاسى اكىمىنىڭ ورىنباسارى بولىپ تاعايىندالدى. بۇعان دەيىن ول ماس كۇيىندە رولگە وتىرعانى ءۇشىن سوت شەشىمىمەن 15 تاۋلىككە قاماۋعا الىنعان ەدى، دەپ حابارلايدى Dalanews.kz.
"اقتاۋ قالاسى اكىمىنىڭ ورىنباسارى بولىپ اسەت شوپانوۆ تاعايىندالدى"، – دەلىنگەن سەيسەنبى كۇنى تاراتىلعان رەسمي حابارلامادا.
2023 جىلدىڭ شىلدە ايىندا شوپانوۆ ماس كۇيىندە كولىك جۇرگىزگەنى ءۇشىن ۇستالىپ، 15 تاۋلىككە قامالعان. سونىمەن قاتار سوت ونى جەتى جىل مەرزىمگە جۇرگىزۋشى كۋالىگىنەن ايىرعان. الايدا سول كەزدە وبلىستىق باسقارما باسشىسى قىزمەتىندە بولعان شەنەۋنىك تەك قاتاڭ سوگىسپەن شەكتەلگەن.
