Al Túrkistan oblysy halqynyń ózi 2 millionnyń ústinde. Jalpy elimiz úshin, tutas túrki jurty úshin Táýelsizdiktiń eń úlken jemisi - Túrkistan oblysynyń qurylýy boldy. Demek, ǵasyrlar boiy Táýelsizdik jolynda kúresken batyr babalarymyzǵa tuǵyr bolǵan kieli Túrkistannyń jańa dáýiri qaita bastaldy.
Táýelsizdiktiń árbir jyly Túrkistan oblysy úshin jeńis pen jetistikke toly. Óitkeni keńestik kezeńde aitýǵa tyiym salynǵan, ulttyq qundylyqtarymyz ben rýhani dúnielerimiz qaita jańǵyryp, ortamyzǵa oraldy. Beligili jazýshy Marhabat Baiǵut ol kezderde halyq Otyrar men Túrkistandy, Arystanbab pen Iasaýidi aitýǵa, olarǵa ziiarat jasaýǵa qorqatyn deidi.
Sonymen qatar óńirde 21 jyl boiy biriktirilip kelgen Maqtaaral men Jetisai jáne Saryaǵash pen Keles aýdandary óz aldyna jeke shańyraq kóterip, tórt aýdanǵa bólindi.
Táýelsizdik jyldary óńirdegi Arys pen Otyrar aýdandarynyń aýmaǵynda salynǵan taǵy bir iri joba bar. Ol - syiymdylyǵy 3 mln tekshe metr bolatyn Kóksarai sý qoimasy. Bul joba da tikelei Elbasymyzdyń qoldaýymen iske asyrylǵan. Qazir onyń paidasyn jergilikti halyq kórip otyr.
