Semeide kir jýǵysh mashinaǵa kiimmen birge mysyqtyń kúshigi túsip ketken, dep habarlaidy Dalanews.kz.
Jantúrshigerlik oqiǵa 18 sáýir kúni keshke boldy. Bul týraly janýardyń iesiniń ózi áleýmettik jelide video jariialap, ózgelerdi osyndai qatelikten saqtandyrǵysy kelgenin aitqan.
Áieldiń sózinshe, mysyqtyń balasyn kir jýǵysh mashinanyń barabanyna onyń kishkentai balasy salyp qoiǵan. Al ózi ony baiqamai, mashinany bir saǵatqa qosyp jibergen.
Bul oqiǵa qaznette tez tarap, áleýmettik jeli qoldanýshylary semeilik áieldi janýarlarǵa qatygezdik kórsetkeni úshin jaýapqa tartýdy jáne odan basqa mysyqtaryn tartyp alýdy talap ete bastaǵan.
Politsiia departamentiniń málimetinshe, bul jaǵdai abaisyzda bolǵan.
«Atalǵan fakti boiynsha 2026 jylǵy 19 sáýirde úi janýarynyń iesi janýarlarǵa jaýapkershilikpen qaraý salasyndaǵy QR zańnamasyn buzǵany úshin ákimshilik jaýapkershilikke tartyldy. Qoldanystaǵy zańnamaǵa sáikes oǵan 10 AEK (43 250 teńge) mólsherinde aiyppul salyndy», - delingen habarlamada.
Abai oblysy politsiia departamenti janýarlarǵa jaýapkershilikpen qaraý talaptaryn saqtaý ár azamattyń mindeti ekenin eske saldy. Janýarlarǵa qatysty kez kelgen zańsyz áreket úshin jaýapkershilik qarastyrylǵan.
