Magıstratýrada myqty shyǵystanýshy Sanat Kýshkýmbaev aǵamyz sabaq berdi. Ol kisiniń tezısi boıynsha Koreıa, Japonıanyń IT tehnologıada alǵa shyǵýyna olardyń kúrish ósirý mádenıeti de áser etipti. Sebebi ekeýine de úlken shydamdylyq, usaq detalmen jumys isteý qabilet kerek eken.

Bizdiń kóshpeli mádenıetimizdiń jemisi – sýyryp salma aqyndyq, aıtys, kókpar. Sebebi at ústindegi adamǵa shydamdylyqtan kóri qyzbalyq, aıaq asty tapqyrlyq, belsendi dene qımyly qajet dep oılaımyn.

Osy qanǵa sińgen ádet biraz adamnyń post jazýynan kórinip jatady. Maqtasa, adamnyń astyna kemi on kópshik qoıady, synasa, jer jebirine jetkizedi. Balans saqtap, attyń basyn tarta almaı qalamyz. Negizi ishki senzýra, krıtıcheskoe myshlenıe degen adamǵa paıdasyn tıgizbese, zıany joq-aý...

 



Nurmuhamed Baıǵaraev

(jazba avtordyń «Feısbýktaǵy» paraqshasynan alyndy)