Maqtaarl aýdanynda ardagerler keńesiniń tóraǵasy sailandy
Kún tártibindegi basty másele – 90 jyldyq tarihy bar Maqtaaral aýdanynyń ardagerler keńesiniń tóraǵasyn sailaý bolatyn. Sondai-aq, jiynda esep, mandat, redaktsiialyq komissiia músheleri anyqtaldy.
Jiynda sóz alǵan Túrkistan oblystyq ardagerler keńesiniń tóraǵasy Jeńisbek Máýlenqulov ardagerler keńesiniń qoǵamdaǵy róli týraly sóz qozǵap, konferenitsiiany ashyp berdi.
Jiyn barasynda aýdan ardagerleri pleným múshelerine 22 adamnyń esimin engizý jóninde daýys berdi. Sondai-aq, biraýyzdan Seiitbek Ońǵarovty Maqtaaral aýdandyq ardagerler keńesiniń tóraǵasy etip sailady.
Jiynda sóz alǵan Maqtaaral aýdanynyń ákimi Baqyt Asanov jańa tóraǵany quttyqtai otyryp, aldaǵy jumysyna tabys tiledi.
«Qazaq qashanda aq saqaldy qariianyń bir aýyz sózine toqtap, ardagerlerin ardaqtai bilgen halyq. Jańadan qurylǵan Maqtaaral aýdanynyń qoǵamdyq saiasi ahýalynyń turaqtylyǵyn saqtap, yntymaq-birligin arttyrýda ardagerlerimizdiń róli zor. Sondyqtan, sailanǵan tóraǵa men barlyq delegattardy quttyqtai otyryp, denderińizge saýlyq tileimin!», - dedi Baqyt Násirhanuly.
Aita keteiik, jaqynda ǵana kentter men aýyldyq okrýgterdiń bastaýysh ardagerler uiymynyń jiyndary ótkizilip, Plenýmǵa delegattar sailandy. Maqtaaral aýdanynyń kentteri men aýyldyq okrýgterinde 7520 ardager bar bolsa, sonyń 51-i delegat atandy.
Maqtaaral aýdany ákiminiń baspasóz qyzmeti
