كۇن تارتىبىندەگى باستى ماسەلە – 90 جىلدىق تاريحى بار ماقتاارال اۋدانىنىڭ ارداگەرلەر كەڭەسىنىڭ ءتوراعاسىن سايلاۋ بولاتىن. سونداي-اق، جيىندا ەسەپ، ماندات، رەداكسيالىق كوميسسيا مۇشەلەرى انىقتالدى.
جيىندا ءسوز العان تۇركىستان وبلىستىق ارداگەرلەر كەڭەسىنىڭ ءتوراعاسى جەڭىسبەك ماۋلەنقۇلوۆ ارداگەرلەر كەڭەسىنىڭ قوعامداعى ءرولى تۋرالى ءسوز قوزعاپ، كونفەرەنيسيانى اشىپ بەردى.
جيىن باراسىندا اۋدان ارداگەرلەرى پلەنۋم مۇشەلەرىنە 22 ادامنىڭ ەسىمىن ەنگىزۋ جونىندە داۋىس بەردى. سونداي-اق، ءبىراۋىزدان سەيىتبەك وڭعاروۆتى ماقتاارال اۋداندىق ارداگەرلەر كەڭەسىنىڭ ءتوراعاسى ەتىپ سايلادى.
جيىندا ءسوز العان ماقتاارال اۋدانىنىڭ اكىمى باقىت اسانوۆ جاڭا ءتوراعانى قۇتتىقتاي وتىرىپ، الداعى جۇمىسىنا تابىس تىلەدى.
«قازاق قاشاندا اق ساقالدى قاريانىڭ ءبىر اۋىز سوزىنە توقتاپ، ارداگەرلەرىن ارداقتاي بىلگەن حالىق. جاڭادان قۇرىلعان ماقتاارال اۋدانىنىڭ قوعامدىق ساياسي احۋالىنىڭ تۇراقتىلىعىن ساقتاپ، ىنتىماق-بىرلىگىن ارتتىرۋدا ارداگەرلەرىمىزدىڭ ءرولى زور. سوندىقتان، سايلانعان ءتوراعا مەن بارلىق دەلەگاتتاردى قۇتتىقتاي وتىرىپ، دەندەرىڭىزگە ساۋلىق تىلەيمىن!»، - دەدى باقىت ءناسىرحان ۇلى.
ايتا كەتەيىك، جاقىندا عانا كەنتتەر مەن اۋىلدىق وكرۋگتەردىڭ باستاۋىش ارداگەرلەر ۇيىمىنىڭ جيىندارى وتكىزىلىپ، پلەنۋمعا دەلەگاتتار سايلاندى. ماقتاارال اۋدانىنىڭ كەنتتەرى مەن اۋىلدىق وكرۋگتەرىندە 7520 ارداگەر بار بولسا، سونىڭ 51ء-ى دەلەگات اتاندى.
ماقتاارال اۋدانى اكىمىنىڭ باسپا ءسوز قىزمەتى
