Oblys ákimi Myrzakent kentiniń ortalyq alańyndaǵy kúzgi jiyn-terim naýqanyn qorytyndylaýǵa arnalǵan «Altyn kúz – 2018» is-sharasynyń bel ortasynan tabyldy.
Biylǵy jyly maqtaaraldyq diqandar 60 926,3 gektar jerge egistik ekse, onyń 38 593,2 gektary maqta daqylyna tiesili. Aýdan boiynsha búginge deiin 96 myń 600 tonna «aq altyn» jinalǵan.
Aita ketelik biylǵy jyly qazaq maqtasyna 100 jyl tolyp otyr. Osynaý aitýly kúnge orai aimaq basshysy Atakent kentindegi «Qazaq maqta sharýashylyǵy» ǵylymi zertteý institýtynda ótken Qazaq maqtasynyń 100 jyldyǵyna arnalǵan halyqaralyq ǵylymi-teoriialyq konferentsiiasyna qatysty.
Jalpy aitqanda Maqtaaral aýdanynyń 90 jyldyq mereitoiy erekshe toilandy. Atap aitar bolsaq «Maqtaaralym – mereili mekenim» atty mýzykalyq teatrlandyrylǵan qoiylymynan keiin aýdan turǵyndary men meimandar «Terme – boitumarym» atty termeshiler baiqaýyn, «Palaý festivali» is-sharasyn, jastar arasyndaǵy jaidarman oiyndaryn tamashalady. Munyń arty aýdan ónerpazdarynyń merekelik kontsertine ulasty.
3 kúnge josparlanǵan shara «Alpamys batyr» stadionynda taýar óndirýshiler men qolónershiler kórmesi, «Baýyrsaq festivali» is-sharasy jáne búkil qazaqtyń delebesin qozdyrǵan kókpar alamany oiynymen qorytyndylandy.
Maqtaaral aýdany Túrkistan óńiriniń qiyr ońtústiginde ornalasqan, aq altynnyń ordasy sanalady.
