Sondai-aq, aýdannyń negizgi kapitalyna salynǵan investitsiianyń kólemi byltyr 22,5 mlrd teńgeni qurap, aldynǵy jylmen salystyrǵanda 4 paiyzǵa ósken.
– 2022 jyldyń qorytyndysymen aýdandaǵy ónerkásip óniminiń kólemi 16 mlrd. teńgege jetse, óńdeý ónerkásibi salasynda 13,7 mlrd teńgeniń ónimi óndirildi. Sonymen qatar, byltyr óńirde 23 myń sharshy metr turǵyn úi alańdary iske qosyldy.
Infraqurylymdy damytý boiynsha aýdandaǵy jalpy 69 eldi mekenniń 67-si, iaǵni 97,1%-y ortalyqtandyrylǵan aýyz sýmen qamtylǵan. Qazirgi tańda 49 eldi mekenge 24 saǵat, 18 eldi mekende kestemen aýyz sý berilýde.
Budan ózge, 69 eldi mekenniń 36-sy tabiǵi gazben qamtylǵan. Bul aýdandaǵy eldimekenderdiń jalpy sanynyń 52,1%-yn quraidy. 2022 jyly 53,4 shaqyrymdy quraityn aýdandyq mańyzy bar joldar men 46,5 shaqyrymdyq eldimekenderdiń ishki kósheleri ortasha jáne aǵymdaǵy jóndeýden ótti, - dedi aýdan ákimi.
Sonymen qatar, «Eńbek» nátijeli jumyspen qamtýdy jáne jappai kásipkerlikti damytý» baǵdarlamasy aiasynda aýdanda 2022 jyly 8 172 adam túrli jumystarǵa tartylǵan. Qoǵamdyq jumys oryndaryna 2 042 adam joldanyp, onyń 1633-i turaqty jumysqa ornalasqan. Áleýmettik jumys oryndaryna 369 adam joldanyp, onyń 331-i turaqty jumysqa ornalasty. Al jastar praktikasynan 655 adam ótip, onyń 46-sy turaqty jumysqa ornalasqan.
