– Túrkiia elinde, Antaliianyń tórinde qazaqtyń ánurany shyrqalyp, elimizdiń kók týyn jelbiretkeniń úshin aýdan ákimdigi atynan alǵysymdy bildiremin. Árqashan elińniń maqtanyshy bola ber! – dedi Baqyt Násirhanuly.
Mahambetov Nasyr Ahmetuly 1985 jyly OQO, Maqtaaral aýdany, Dostyq aýyldyq okrýginde týylǵan. 2005 jyldan beri sporttyń qol kúres túrimen shuǵyldanyp keledi. Sol jyly Ózbekstan Respýblikasynyń Tashkent qalasynda ótken halyqaralyq jarysta birinshi oryndy ielendi.
2006 jyly Tájikstan memleketinde, 2007 jyly Qyrǵyzstanda ótken Orta Aziia chempionatynda jáne Bolgariia memleketinde ótken álem chempionatynda júldeli oryndardan kóringen.
2009 jyly Almaty qalasynda ótken Orta Aziia chempionatynda úshinshi oryndy jeńip alǵan. Al, 2011 jyly dál osy arý Almatyda ótken álem chempionatynda úshinshi orynnan kórindi. 2016 jyly Ózbekstanda ótken jarysqa qatysyp bas júldeni jeńgen. Sondai-aq, 2017 jyly Qyrǵyzstannyń Bishkek qalasynda ótken Orta Aziia memleketteri arasyndaǵy jarysta birinshi oryndy ielengen.
Nasyr Mahambetov jaqynda ǵana Túrkiia memleketiniń Antaliia qalasynda ótken álem chempionatyna qatysyp, álem chempiony atandy. Bul jarysqa álemniń 56 memleketi qatysqan bolatyn.
Maqtaaral aýdany ákiminiń baspasóz qyzmeti
