«Bul kún – barsha otandastarymyzdy yntymaq pen birlikke bastaıtyn kún. Qazaqstan memlekettiliginiń negizin qalaýshy – elimizdiń Tuńǵysh Prezıdenti N.Á.Nazarbaevtyń jan-jaqty saralanǵan ishki jáne syrtqy saıasatynyń arqasynda elimiz damýdyń ilgerileý men órkendeý jolymen keledi. Bıyl Elbasymyz kıeli Maqtaaral aýdanyn tarıhı qalpyna keltirip, maqtaly ólkeniń bolashaǵyn aıqyndap berdi. Sonyń arqasynda 21 jyl boıy shette qalyp, damýdan kesheýildegen Myrzakent pen Atakent kentteri, bizge qarasty 9 aýyldyq okrýg damýdyń dańǵyl jolyna tústi.
Biz jańa aýdanda mádenıet pen ónerimizdi, bilim men ǵylymdy, ónerkásip pen bıznesimizdi damytý arqyly uly maqsattarǵa jetetin bolamyz. Maqtaaral aýdanyna birneshe ret aıaq basqan ult kóshbasshysy N.Á.Nazarbaev maqtaaraldyqtarǵa úlken senim bildiretinin aıtqan.
Máselen, «Maqtaaral – Ońtústik Qazaqstannyń» júregi degen sózi áli kúnge deıin bizge shabyt beredi. Mine, Elbasymyzdyń senimi údesinen shyǵý maqsatynda aýdanda aýqymdy ister atqarylyp, tarıhı qalpyna kelgen Maqtaaraldy damytýǵa baǵyttalǵan jańa jobalar jasalýda.
Osynaý el halqynyń birligi men berekesin ulyqtap, memlekettiń mereıin asyratyn mereke kúni Sizderge zor densaýlyq, otbasylaryńyzǵa baq pen bereke, shańyraqtaryńyzǵa shattyq tileımin!» - dedi Baqyt Násirhanuly.
Saltanatty jıynda aýdan ónerpazdary óz ónerlerin ortaǵa salyp, Elbasymyz týraly ánder shyrqaldy. Sondaı-aq, mereke aıasynda ótkizilgen jyr múshárasynan júldeli oryn alǵan oqýshylar jyrdan shashý shashyp, qalyń kórermenniń qoshemetine bólendi.
