«بۇل كۇن – بارشا وتانداستارىمىزدى ىنتىماق پەن بىرلىككە باستايتىن كۇن. قازاقستان مەملەكەتتىلىگىنىڭ نەگىزىن قالاۋشى – ەلىمىزدىڭ تۇڭعىش پرەزيدەنتى ن.ءا.نازاربايەۆتىڭ جان-جاقتى سارالانعان ىشكى جانە سىرتقى ساياساتىنىڭ ارقاسىندا ەلىمىز دامۋدىڭ ىلگەرىلەۋ مەن وركەندەۋ جولىمەن كەلەدى. بيىل ەلباسىمىز كيەلى ماقتاارال اۋدانىن تاريحي قالپىنا كەلتىرىپ، ماقتالى ولكەنىڭ بولاشاعىن ايقىنداپ بەردى. سونىڭ ارقاسىندا 21 جىل بويى شەتتە قالىپ، دامۋدان كەشەۋىلدەگەن مىرزاكەنت پەن اتاكەنت كەنتتەرى، بىزگە قاراستى 9 اۋىلدىق وكرۋگ دامۋدىڭ داڭعىل جولىنا ءتۇستى.
ءبىز جاڭا اۋداندا مادەنيەت پەن ونەرىمىزدى، ءبىلىم مەن عىلىمدى، ونەركاسىپ پەن بيزنەسىمىزدى دامىتۋ ارقىلى ۇلى ماقساتتارعا جەتەتىن بولامىز. ماقتاارال اۋدانىنا بىرنەشە رەت اياق باسقان ۇلت كوشباسشىسى ن.ءا.نازاربايەۆ ماقتاارالدىقتارعا ۇلكەن سەنىم بىلدىرەتىنىن ايتقان.
ماسەلەن، «ماقتاارال – وڭتۇستىك قازاقستاننىڭ» جۇرەگى دەگەن ءسوزى ءالى كۇنگە دەيىن بىزگە شابىت بەرەدى. مىنە، ەلباسىمىزدىڭ سەنىمى ۇدەسىنەن شىعۋ ماقساتىندا اۋداندا اۋقىمدى ىستەر اتقارىلىپ، تاريحي قالپىنا كەلگەن ماقتاارالدى دامىتۋعا باعىتتالعان جاڭا جوبالار جاسالۋدا.
وسىناۋ ەل حالقىنىڭ بىرلىگى مەن بەرەكەسىن ۇلىقتاپ، مەملەكەتتىڭ مەرەيىن اسىراتىن مەرەكە كۇنى سىزدەرگە زور دەنساۋلىق، وتباسىلارىڭىزعا ب ا ق پەن بەرەكە، شاڭىراقتارىڭىزعا شاتتىق تىلەيمىن!» - دەدى باقىت ءناسىرحان ۇلى.
سالتاناتتى جيىندا اۋدان ونەرپازدارى ءوز ونەرلەرىن ورتاعا سالىپ، ەلباسىمىز تۋرالى اندەر شىرقالدى. سونداي-اق، مەرەكە اياسىندا وتكىزىلگەن جىر ءمۇشاراسىنان جۇلدەلى ورىن العان وقۋشىلار جىردان شاشۋ شاشىپ، قالىڭ كورەرمەننىڭ قوشەمەتىنە بولەندى.
