Spartakıadanyń ashylý saltanatyna qatysqan aýdan ákiminiń orynbasary Altyn Eshanqulova aýdannyń 90 jyldyq mereıtoıy qarsańynda 90 túrli is-sharalar ótip jatqanyn atap ótti. Sonyń biri – búgingi spartakıada.
«Qurmetti jarysqa qatysýshylar! Maqtaaraldyń tarıhy da, keshegi erlik kúresi de, adamdarynyń qaıtpas qaısarlyǵy men muqalmas jigeri de barlyǵy bizdiń esimizde. Sizder eńbegimen tanymal bolǵan qurysh qoldy aptal azamattardyń urpaǵysyzdar. Búgingi is-sharany ótkizýdegi maqsat – jastardyń arasynda buqaralyq sportty nasıhattaı otyryp, deni saý, rýhy myqty, jahandyq básekelestikke tótep bere alatyn jas urpaqty tárbıeleý. Bolashaqta kıeli Maqtaaral aýdanynyń mereıin asqaqtatatyn Sizdersizder! Sondyqtan, búgingi jarysta belsene oıyn kórsetýlerińizdi suraımyn» - dedi Altyn Kúntýqyzy.
Jıynda sóz alǵan aýdandyq «Jastar resýrstyq ortalyǵy» KMM-niń basshysy Sýnnat Kenjebaev spartakıadaǵa qatysýshylarǵa sáttilip tileı otyryp, jarystyń erejelerin túsindirip ótti. Sondaı-aq, spartakıadanyń tóreshilerin tanystyryp, jarystyń ádil ótýi úshin tártip bolýy kerektigin aıtty.
Aıta keteıik, spartakıadaǵa aýdanǵa qarasty 2 kent pen 9 aýyldyq okrýgtegi etnomádenı ortalyqtarynan onnan asa komandalar qatysýda. Jarystyń nátıjesi týraly aldaǵy ýaqytta habarlaımyz.
Maqtaaral aýdany ákiminiń baspasóz qyzmeti
