Jıyndy júrgizgen apparat basshysy N.Sattarov:
– Halyqaralyq Rýhanı kelisim kúni alǵash ret 1992 jylǵy 18 qazanda ótkizildi. Sodan beri bul kún – Qazaqstandaǵy áleýmettik mańyzdy kúnderdiń biri. Ultymyz ben dinı senimge qaramastan barlyǵymyzdy biriktiretin osy kún – qoǵamdaǵy turaqtylyq pen kelisim kúni. Sondyqtan da birlik pen qaıyrymdylyq, jaqsylyq pen gúldený merekesi retinde atap ótiledi. Tutastaı alsaq, dinı ahýal turaqty. Aýdanda dinı negizdegi janjaldar jáne dinı ekstremızm men konfesıaaralyq alaýyzdyqty jaǵý derekteri tirkelmegen. Qazir aýdanda 27 dinı birlestik bar. Olardyń jetekshileri Elbasymyz ben Úkimettiń saıasatyna, jergilikti atqarýshy organdardyń bastamalaryna oń kózben qaraıdy, – dedi.
Májilistiń kún tártibinde aýdandyq ortalyqtandyrylǵan kitaphanalar júıesi basshysynyń orynbasary P.Esenbekovtiń «Rýhanı kelisim» kúnine arnalǵan habarlamasy tyńdaldy. Sondaı-aq, aýdandyq dinı birlestikterdiń jetekshileri «Rýhanı kelisim» kúnine arnalǵan baıandamalar jasady.
Jıyn sońynda merekege arnalǵan aýdan ákiminiń syı-sıapaty tabystalyp, dinı birlestikterdiń jetekshileri alǵys hattarmen marapattaldy.
Maqtaaral aýdany ákiminiń baspasóz qyzmeti
