25 qazan – Respýblıka kúnine oraı Maqtaaral aýyldyq okrýgine qarasty Órkenıet eldi mekeninde jańa sport kesheni paıdalanýǵa berildi.
«Aýyl - el besigi» baǵdarlamasy aıasynda bastalǵan nysannyń qurylys jumystaryn «Núri-L-Jetisaı» JSHS-i júrgizgen. Keshenniń ashylý saltanatyna aýdan ákimi Baqyt Asanov, aýdandyq máslıhattyń depýtattary, zıaly qaýym ókilderi, jas sportshylar men aýyl turǵyndary qatysty.
Jıynda quttyqtaý sóz sóılegen aýdan ákimi sporttyń adam densaýlyǵyn nyǵaıtýda alatyn orny erekshe ekenin atap ótti. Sonymen qatar, jınalǵan kópshilikti Respýblıka kúni merekesimen quttyqtady.
Sport kesheninde sportshylarǵa arnalǵan jattyǵý zaldary bar. Onda voleıbol, basketbol, fýtzal, gandbol, kúres, boks, dzúdo jáne taǵy basqa sport túrlerimen aınalysýǵa múmkindik qarastyrylǵan. Odan bólek, ǵımarat aýmaǵynda jasandy kógalmen jabdyqtalǵan fýtbol alańshasy ornalasqan.
