Qojalyqtyń jumysymen tanystyrǵan seriktestik iesi Marat Myrzahmetov búginde memleket tarapynan kórsetilip otyrǵan qoldaýdyń nátijesinde kásibin dóńgeletip otyrǵanyn aitady.
Onyń atap ótkenindei, ótken jyly 1 gektar jylyjaidan 75 tonna qyzanaq, 3,5 gektar jerden 125 tonna baqsha ónimderin alǵan. 8 adamdy jumyspen qamtyp otyr ol biyl da jylyjaida qyzynaq ósirip, egistikke asqabaq daqylyn ekkenin málimdedi.
Memleket qoldaýyn kórip otyrǵan jalǵyz qojalyq emes bul. Sonymen qatar Syrabad eldi mekenindegi «Everest» sharýa qojalyǵy da qanatyn keńge jaiyp keledi. Maqta, jońyshqa, baqsha sharýashylyǵymen ainalysatyn seriktestik 1997 jyly qurylǵan. Sharýashylyq ótken jyly 24 tonna jońyshqa, 60 tonna baqsha daqyldaryn óndirgen. Al biylǵy jyly 2,45 gektar jerge maqta, 1 gektar alqapqa baqsha, 1 gektarǵa jońyshqa daqylyn egip, agrotehnikalyq is-sharalardy tiimdi uiymdastyryp otyr.
Jalpy aýdanda biylǵy jyly 138 myń gektardan astam sýarmaly jerge aýyl sharýashylyǵy daqyldary egilgen. Onyń 27 064 gektaryn baqsha daqyldary quraidy. Naqtyraq aitsaq, biyl myrzashóldik baǵbandar 19 500 gektarǵa qaýyn, 7 564 gektarǵa qarbyz ekken. Al oblys boiynsha 51,5 gektar jerge baqsha daqyldary egilgen.
