Qazirdiń ózinde aýdanda 80-nen asa mal bordaqylaý alańdary jumys istep jatqany belgili boldy. Bul týraly aýdandaǵy mal bordaqylaý alańdarynyń jumys barysymen tanysqan aýdan ákimi Baqyt Asanov málimdedi.
Eń aldymen óńir basshysy «Israilov» sharýa qojalyǵyna atbasyn buryp, 20-ǵa jýyq buqany bordaqylap jatqan Israilov Táńirbergenniń jumysymen tanysty. Mundaǵy mal bordaqylaý alańy 50 bas malǵa arnalǵan. «Yrys» qarjy uiymynan nesie alý úshin qujattar tapsyrǵan Táńirbergen bordaqylanatyn mal sanyn kóbeitpekshi. Sondai-aq, óndirgen etti eksportqa deiin shyǵarýdy kózdep otyr.
– Jep-shóp pen kombikormǵa ketetin shyǵyndardy eseptep shyqtym. Kombikormdy paidalaný arqyly 2 ese qarjym únemdeldi. Sondyqtan, mal bordaqylaityn barlyq áriptesterime jańa tehnologiiaǵa kóshýdi usynamyn, – dedi T.Israilov.
Munan soń aýdan basshysy «Temirbolat»sharýa qojalyǵyna aialdady. Qojalyqtyń basshysy Temirbolatov Rústem 50 bas buqany bordaqylaýda. Negizinen óndirgen etin ishki naryqqa satady. Iri qaranyń erekshe tuqymyn 3 ai boiy bordaqylap, árbir mal basynan ortasha 300-350 keli et óndirýde.
Rústem Temirbolatovtyń 4 gektar jeri bar. Qaýyn ósirip, ónimin shetelge eksporttaǵan ol qaldyqsyz ónim shyǵarý úshin mal bordaqylaý alańyn ashqan. Atap aitqanda, eksportqa jaramsyz, suryptaýdan ótpegen qaýyndardy kebekpen aralastyryp, maldaryn jemmen qamtamasyz etip otyr. Sondai-aq, ol bul kásippen birneshe aýyldastary ainalysyp jatqanyn atap ótti.
Aita keteiik, jalpy Maqtaaral aýdanynda jyl basynan beri 4000 tonna et óndirilgen. Al, onyń 600 tonnasy mal bordaqylaý alańdaryna tiesili. Búgingi tańda maqtaaraldyqtar 43848 iri qara, 53225 usaq mal, 6558 jylqy, 411 túie, 486 shoshqa, 67757 qusty baǵyp otyr.
Maqtaaral aýdany ákiminiń baspasóz qyzmeti
