قازٸردٸڭ ٶزٸندە اۋداندا 80-نەن اسا مال بورداقىلاۋ الاڭدارى جۇمىس ٸستەپ جاتقانى بەلگٸلٸ بولدى. بۇل تۋرالى اۋدانداعى مال بورداقىلاۋ الاڭدارىنىڭ جۇمىس بارىسىمەن تانىسقان اۋدان ەكٸمٸ باقىت اسانوۆ مەلٸمدەدٸ.
ەڭ الدىمەن ٶڭٸر باسشىسى «يسرايلوۆ» شارۋا قوجالىعىنا اتباسىن بۇرىپ, 20-عا جۋىق بۇقانى بورداقىلاپ جاتقان يسرايلوۆ تەڭٸربەرگەننٸڭ جۇمىسىمەن تانىستى. مۇنداعى مال بورداقىلاۋ الاڭى 50 باس مالعا ارنالعان. «ىرىس» قارجى ۇيىمىنان نەسيە الۋ ٷشٸن قۇجاتتار تاپسىرعان تەڭٸربەرگەن بورداقىلاناتىن مال سانىن كٶبەيتپەكشٸ. سونداي-اق, ٶندٸرگەن ەتتٸ ەكسپورتقا دەيٸن شىعارۋدى كٶزدەپ وتىر.
– جەپ-شٶپ پەن كومبيكورمعا كەتەتٸن شىعىنداردى ەسەپتەپ شىقتىم. كومبيكورمدى پايدالانۋ ارقىلى 2 ەسە قارجىم ٷنەمدەلدٸ. سوندىقتان, مال بورداقىلايتىن بارلىق ەرٸپتەستەرٸمە جاڭا تەحنولوگيياعا كٶشۋدٸ ۇسىنامىن, – دەدٸ ت.يسرايلوۆ.
مۇنان سوڭ اۋدان باسشىسى «تەمٸربولات»شارۋا قوجالىعىنا ايالدادى. قوجالىقتىڭ باسشىسى تەمٸربولاتوۆ رٷستەم 50 باس بۇقانى بورداقىلاۋدا. نەگٸزٸنەن ٶندٸرگەن ەتٸن ٸشكٸ نارىققا ساتادى. ٸرٸ قارانىڭ ەرەكشە تۇقىمىن 3 اي بويى بورداقىلاپ, ەربٸر مال باسىنان ورتاشا 300-350 كەلٸ ەت ٶندٸرۋدە.
رٷستەم تەمٸربولاتوۆتىڭ 4 گەكتار جەرٸ بار. قاۋىن ٶسٸرٸپ, ٶنٸمٸن شەتەلگە ەكسپورتتاعان ول قالدىقسىز ٶنٸم شىعارۋ ٷشٸن مال بورداقىلاۋ الاڭىن اشقان. اتاپ ايتقاندا, ەكسپورتقا جارامسىز, سۇرىپتاۋدان ٶتپەگەن قاۋىنداردى كەبەكپەن ارالاستىرىپ, مالدارىن جەممەن قامتاماسىز ەتٸپ وتىر. سونداي-اق, ول بۇل كەسٸپپەن بٸرنەشە اۋىلداستارى اينالىسىپ جاتقانىن اتاپ ٶتتٸ.
ايتا كەتەيٸك, جالپى ماقتاارال اۋدانىندا جىل باسىنان بەرٸ 4000 توننا ەت ٶندٸرٸلگەن. ال, ونىڭ 600 تونناسى مال بورداقىلاۋ الاڭدارىنا تيەسٸلٸ. بٷگٸنگٸ تاڭدا ماقتاارالدىقتار 43848 ٸرٸ قارا, 53225 ۇساق مال, 6558 جىلقى, 411 تٷيە, 486 شوشقا, 67757 قۇستى باعىپ وتىر.
ماقتاارال اۋدانى ەكٸمٸنٸڭ باسپاسٶز قىزمەتٸ
